បាក់ឌុប៖ការស្រង់,បូក និងផ្ទៀងផ្ទាត់ពិន្ទុបេក្ខជនបានបញ្ចប់ហើយ

ជាតិ

បាក់ឌុប៖ការស្រង់,បូក និងផ្ទៀងផ្ទាត់ពិន្ទុបេក្ខជនបានបញ្ចប់ហើយ

06, Sep 2018 , 10:14 am

រូបភាព

រូបភាពពីហ្វេសប៊ុកក្រសួងអប់រំ យុវជន និងកីឡា

ដោយ:

ភ្នំពេញ៖ ដំណើរការស្រង់ បូក និងផ្ទៀងផ្ទាត់ពិន្ទុ របស់បេក្ខជនប្រឡងបានបញ្ចប់ទាំងស្រុងហើយ។ នេះបើតាមក្រសួងអប់រំ យុវជន និងកីឡា។ តាមរយៈទំព័រហ្វេសប៊ុករបស់ខ្លួន ក្រសួងអប់រំបញ្ជាក់ទៀតថា ដំណើរការទាំងនេះ បានប្រព្រឹត្តទៅ ក្រោមការបំពេញភារកិច្ចយ៉ាងសកម្ម និងទំនួលខុសត្រូវខ្ពស់ ពីសមាជិកអនុគណៈកម្មការគ្រប់គ្រងសន្លឹក MCS អនុគណៈកម្មការស្រង់ បូកពិន្ទុដោយកុំព្យូទ័រ និងគណៈកម្មការទាំងអស់ និងការចូលរួមសង្កេតការណ៍ពីមន្ត្រីអង្គភាពប្រឆាំងអំពើពុករលួយផង ដើម្បីធានាបាននូវការប្រឡងស្របតាមគោលការណ៍ច្បាប់ យុត្តិធម៌ តម្លាភាព និងលទ្ធផលទទួលយកបាន។

ទាកទងនឹងលទ្ធផលបាក់ឌុបនេះ លោក ហង់ ជួន ណារ៉ុន ទើបតែបានបញ្ជាក់កាលពីថ្ងៃទី៤ ខែកញ្ញាថា លទ្ធផលប្រឡងនឹងប្រកាសមុនការកំណត់ គឺនៅថ្ងៃទី៩ និង១០ ខែនេះ បើការបូកសរុបពិន្ទុនេះបញ្ចប់លឿនជាងការគ្រោងទុក។ មិនត្រឹមតែប៉ុណ្ណោះ លោកបានវាយតម្លៃ សិស្សនិទ្ទេសAឆ្នាំនេះ នឹងកើនឡើងច្រើនជាងឆ្នាំមុនទៀតផង។