ពីនេះ ពីនោះ
រូបត្លុក
×![]()
ដោយ: ថ្មីៗ
លទ្ធផលនៃការបោះឆ្នោតនីតិកាលទី៦បានធ្វើឲ្យសាធារណៈមតិទាំងក្នុងប្រទេសកម្ពុជា និងបរទេស ភ្ញាក់ផ្អើលម្តងហើយ។ សមាសភាពនៃគណៈរដ្ឋមន្ត្រីអាណត្តិថ្មីក៏បានបង្កើតការភ្ញាក់ផ្អើលម្តងទៀតដល់សាធារណៈមតិ។ ប៉ុន្តែប្រមុខគណបក្សកាន់អំណាច និងប្រមុខរដ្ឋាភិបាលបានពន្យល់រួចហើយអំពីគោលការណ៍រក្សាចាស់បន្ថែមថ្មី ឬបន្ថែមក្មេង ដូចកាលអាណត្តិទី៥កន្លងទៅដែរ។
ជម្លោះផ្នែកគំនិត ផ្នែកសតិអារម្មណ៍ បានកើតមាននៅគ្រប់សង្គម និងនៅគ្រប់ប្រទេសក្នុងសាកលលោក។មនុស្សចាស់បន្ទោសក្មេងជំនាន់ក្រោយដែលមានឬកពារក្រអឺតក្រទម មិនគោរពចាស់ទុំ។ យុវជនជំនាន់ក្រោយ តែងបន្ទោសមនុស្សចាស់ ថាមានគំនិត និងរបៀបធ្វើការចាស់។
មនុស្សទាំងពីរក្រុមនេះ អាចនិយាយត្រូវផង និងខុសផង។ តាមពិតអ្នកទាំងពីរក្រុម មានគុណសម្បត្តិដូចគ្នា ហើយដែលត្រូវរស់នៅផ្សារភ្ជាប់គ្នា ជាពិសេសនៅក្នុងការងារបម្រើប្រទេសជាតិ។
យុវជនមានកម្លាំង មានចំណេះដឹងថ្មី ប៉ុន្តែពួកគេខ្វះពិសោធន៍។ គឺជាពិសោធន៍នៅត្រង់នេះ គឺជាបរិបទរបស់កម្ពុជា។ មានតែមនុស្សចាស់របស់កម្ពុជាទេ ដែលស្គាល់កម្ពុជា ហើយដែលអាចបង្រៀននិងណែនាំយុវជនជំនាន់ក្រោយបាន។ ដើម្បីអាចផ្ទេរ និងទទួលពិសោធន៍ និងចំណេះដឹងពីគ្នាបាន ពួកគេទាំងពីរក្រុមត្រូវភ្ជាប់គ្នាឲ្យបាន។
ចាស់ធា្លប់ក្មេង តែក្មេងមិនធ្លាប់ចាស់។ នេះជាពាក្យទូន្មានបែបប្រពៃណីរបស់ខ្មែរ ដែលយុវជនគួរយកមកពិចារណា៕
Tag:
CPP
គណៈរដ្ឋមន្ត្រី
អាណត្តិទី៦
© រក្សាសិទ្ធិដោយ thmeythmey.com
