បេក្ខជន១០រូបបានពិន្ទុខ្ពស់ជាងគេ សម្រាប់ថ្នាក់វិទ្យាសាស្ត្រសង្គម

ជាតិ

បាក់ឌុប

បេក្ខជន១០រូបបានពិន្ទុខ្ពស់ជាងគេ សម្រាប់ថ្នាក់វិទ្យាសាស្ត្រសង្គម

13, Sep 2018 , 8:59 am

រូបភាព

ដោយ: ប៉ូ សាគុន

ភ្នំពេញ៖ ក្នុងសម័យប្រឡង ថ្ងៃទី២០ខែសីហាឆ្នាំ២០១៨នេះ បេក្ខជនចំនួន១០នាក់ ទទួលបានលំដាប់ពិន្ទុខ្ពស់ជាងគេ សម្រាប់ថ្នាក់វិទ្យាសាស្ត្រសង្គម ដែលមកពីបណ្ដាខេត្តនានា។ តែមិនមាននៅភ្នំពេញឡើយ។ នេះបើតាមការប្រកាសរបស់ក្រសួងអប់រំ យុវជន និងកីឡា។

លំដាប់ពិន្ទុដែលខ្ពស់ជាងគេ សម្រាប់មុខវិទ្យាថ្នាក់វិទ្យាសាស្ត្រសង្គម គឺបានទៅលើកញ្ញា ហៀង តុលា ដែលនៅមណ្ឌលខេត្តកំពង់ធំ ដោយទទួលបានពិន្ទុសរុប៤១០.២៥។ រីឯបេក្ខជនដែលបានពិន្ទុខ្ពស់បន្ទាប់ គឺយុវសិស្ស សំអឿន សុខន ចំនួនពិន្ទុសរុប ៤០៧.០០ ដែលមកពីមណ្ឌលខេត្តព្រះវិហារ។ ចំណែក កញ្ញា លី ហេងសុខព មកពីមណ្ឌលខេត្តប៉ៃលិន ទទួលបានពិន្ទុសរុប ៤០៣.៧៥ ។

យុវសិស្ស ឈឿន ថាវី ប្រឡងនៅមណ្ឌលខេត្តកំពង់ស្ពឺ ទទួលបានពិន្ទុសរុប ៤០២.៥០។ លំដាប់ពិន្ទុសរុបបន្ទាប់មិនខុសគ្នាប៉ុន្មានឡើយគឺ ៤០១.០០ ជារបស់កញ្ញា អ៊ុង ស្រីពេជ្រ ពីខេត្តកំពត។ យុវសិស្សបន្ទាប់គឺ យ៉ាន លីសា មណ្ឌលខេត្តកំពត ពិន្ទុសរុប ៣៩៩.២៥។ ចំណែកកញ្ញា ហាក់ នីកា ទទួលបានពិន្ទុសរុប ៣៩៩.០០ មកពីខេត្តរតនគិរី។ រីឯពិន្ទុ ៣៩៨.២៥ បានទៅលើយុវសិស្ស ហែម សារ៉ាន មកពីខេត្តស្វាយរៀង ។ ក្នុងនោះដែរយុវសិស្ស ទោម រស្មី ពីខេត្តសៀមរាប និងយុវសិស្ស ជិម និម ពីខេត្តកំពត ទទួលបានលំដាប់ពិន្ទុដូចគ្នាគឺ ៣៩៧.០០ ។

បេក្ខជនទាំង១០រូប ដែលទទួលបានលំដាប់ពិន្ទុខ្ពស់ជាងគេ សម្រាប់ថ្នាក់វិទ្យាសង្គម សុទ្ធតែទទួលបាននិទ្ទេសរួម B ដូចគ្នា៕