អភិបាលខេត្តព្រះសីហនុ ប្តេជ្ញាការពារព្រៃនៅតំបន់ក្បាលឆាយមិនឲ្យមានអ្នកបំផ្លាញ

ជាតិ

សង្គមជាតិ

អភិបាលខេត្តព្រះសីហនុ ប្តេជ្ញាការពារព្រៃនៅតំបន់ក្បាលឆាយមិនឲ្យមានអ្នកបំផ្លាញ

17, Sep 2018 , 9:59 am

រូបភាព

ប្រភព៖ ហ្វេសប៊ុក រដ្ឋបាលខេត្តព្រះសីហនុ

ដោយ:

លោក យន្ត មីន អភិបាលខេត្តព្រះសីហនុ បានព្រមានចាត់វិធានការផ្លូវច្បាប់លើអ្នកដែលមានមហិច្ឆតាទន្ទ្រានព្រៃនៅតំបន់ក្បាលឆាយ ដោយអះអាងថា គ្មានឡើយការយោគយល់។ លោកបានថ្លែងបែបនេះ នាពិធីដាំកូនឈើឡើងវិញនៅតំបន់ក្បាលឆាយ ចំណុច អូរអារេវ ស្ថិតក្នុងភូមិ២ សង្កាត់លេខ១ ក្រុងព្រះសីហនុ កាលពីថ្ងៃទី១៤ ខែកញ្ញា។

«ព្រៃនៅតំបន់ក្បាលឆាយ គឺជាប្រភពទឹកសាបដ៏សំខាន់បំផុតដែលមិនអាចខ្វះបានទេ ដូច្នេះត្រូវតែការពារឱ្យបាន ទោះត្រូវចំណាយក្នុងតម្លៃណាក៏ដោយ»។ នេះជាការលើកឡើងរបស់ យន្ត មីន ដោយអះអាងថា ធ្វើអាជ្ញាធរនឹងការពាព្រៃនេះឱ្យបានដាច់ខាត ដើម្បីរក្សាប្រភពទឹកសាបទុកប្រើប្រាស់នៅទូទាំងខេត្តព្រះសីហនុ។

តាមសំដីដែលដកស្រង់ដោយទំព័រហ្វេសប៊ុកផ្លូវការរបស់រដ្ឋបាលខេត្តព្រះសីហនុ លោក យន្ត មីន បានបន្ថែមថា ទីតាំងដែលស្ថិតនៅក្នុងតំបន់ហាមឃាត់ នៃអនុក្រឹត្យលេខ១១៦ របស់រាជរដ្ឋាភិបាល ត្រូវបានជនខិលខូចមួយចំនួនលួចកាប់ឆ្ការរានព្រៃយកដីនោះកាន់កាប់ ដើម្បីស្ដារឡើងវិញអាជ្ញាធរខេត្ត និងសហការជាមួយមន្ត្រីជំនាញកសិកម្មក្នុងការដាំកូនឈើឡើងវិញទាំងអស់។

នេះបើតាមរដ្ឋបាលខេត្តព្រះសីហនុ កូនឈើចំនួន ៥,៥០០ដើម ដែលជាប្រភេទឈើគគីរ និងឈើគ្រញូង ត្រូវបានដាំលើដីទំហំ ៥ហិកតា នៅតំបន់ដែនព្រៃការពារ ដែលលោក យន្ត មីន បានចូលរួមដាំ៕