ជាតិ
នយោបាយជាតិ
ឥស្សរជន៨រូបទៀត ត្រូវបានតែងតាំងជារដ្ឋលេខាធិការ និងអនុរដ្ឋលេខាធិការតាមក្រសួង
× ប្រមុខរដ្ឋស្តីទី សម្តេច សាយ ឈុំ កាលពីថ្ងៃទី១៨ ខែកញ្ញា បានចុះហត្ថលេខាលើព្រះរាជក្រឹត្យពីរដាច់ដាច់ឡែកពីគ្នាស្តីពីតែងតាំងឥស្សរជន ដែលត្រូវកាន់តំណែងជារដ្ឋលេខាធិការ និងអនុរដ្ឋលេខាធិការ តាមបណ្តាក្រសួងមួយចំនួន។
ក្នុងព្រះរាជក្រឹត្យទីមួយ សម្តេច សាយ ឈុំ បានតែងតាំង លោក សំហេង បុរស ជារដ្ឋលេខាធិការក្រសួងសង្គមកិច្ច អតីតយុទ្ធជន និងយុវនីតិសម្បទា លោក ចាន់ សុវុឌ្ឍ ជារដ្ឋលេខាធិការក្រសួងកសិកម្មរុក្ខា ប្រមាញ់ និងនេសាទ លោក លេង ផាលី ជារដ្ឋលេខាធិការក្រសួងផែនការ។
ជាមួយគ្នានេះ លោក សុខ សប្បាយណា និងលោក សាន វឌ្ឍនា ត្រូវបានតែងតាំងជាអនុរដ្ឋលេខាធិការក្រសួងអប់រំ យុវជន និងកីឡា។
ដោយឡែកយោងតាមព្រះរាជក្រឹត្យមួយទៀត លោក ជុំ កុសល ត្រូវបានតែងតាំងជារដ្ឋលេខាធិការក្រសួងព័ត៌មាន លោក ផាត បូណេ ត្រូវបានតែងតាំងជាអនុរដ្ឋលេខាធិការក្រសួងរ៉ែ និងថាមពល លោក ហ៊ុន ប៊ុនថាន ជាអនុរដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់៕
© រក្សាសិទ្ធិដោយ thmeythmey.com