ជាតិ
បទសម្ភាសន៍
វីដេអូ
សេដ្ឋកិច្ច
២៥ខេត្ត/រាជធានី
ហាងបាយ «UME» ដ៏ល្បីនៅកំពង់ចាម ទាក់ទាញអតិថិជនពីរាជធានីភ្នំពេញ
× កំពង់ចាម៖ ហាងបាយ ហ៊ុន ចាន់ថា ដែលអតិថិជនមួយចំនួនហៅថា «ហាងបាយ UME» មានអាយុជាង ១០ឆ្នាំ។ ក្រៅពីអន្ទងចិត្តអតិថិជននៅក្នុងក្រុងកំពង់ចាមជាច្រើនហើយនោះ ថែមទាំងទាក់ទាញអតិថិជនពីភ្នំពេញទៀតផង។ អ្នកដែលធ្វើដំណើរពីភ្នំពេញទៅក្រុងកំពង់ចាម ឬឆ្លងកាត់ក្រុងនេះភាគច្រើនមិនងាយរំលងហាងបាយ «UME» ដែលស្ថិតនៅជាប់របងសាកលវិទ្យាល័យ UME ក្នុងស្កាត់សំបួរមាស។
ហាងបាយរបស់អ្នកស្រី សុខ អេង ដែលមានទីតាំងនៅក្រុងកំពង់ចាម ក្នុងមួយព្រឹកលក់អស់ប្រមាណ ១៥០ ទៅ២០០ចាន។ ហាងបាយរបស់អ្នកស្រីមានលក់បាយសាច់ងៀតក្របី, ងៀតសាច់គោ, មាន់ចៀន, មានស្ងោរ និងបាយសាច់ជ្រូក ដែលមានតម្លៃចាប់ពី៥ពាន់រៀល ទៅ១ម៉ឺនរៀលក្នុងមួយចាន។ ក្នុងរយៈពេលមួយព្រឹកអាជីវករ សុខ អេង អាចរកប្រាក់បានច្រើនជាង ៣០០ដុល្លារពីមុខរបរលក់បាយនេះ។
ក្រៅពីមានបុគ្គលិក ១៥នាក់ ស្វាមីរបស់អ្នកស្រី អេង គឺលោក ហ៊ុន ចាន់ថា ត្រូវរត់តុដោយខ្លួនឯង ព្រោះលោកចង់បង្កើនភាពកក់ក្តៅ និងភាពស្និទ្ធស្នាលជូនអតិជន ដែលមកទទួលទានអាហារពេលព្រឹកនៅហាងរបស់លោក។
ប្រសិនជាលោកអ្នកធ្វើដំណើរពីភ្នំពេញមកដល់រង្វង់មូលនាគព័ន្ធក្រុងកំពង់ចាម ឆ្ពោះទៅផ្លូវជាតិលេខ៧ថ្មី ប្រហែលជាមួយគីឡូម៉ែត្រនៅខាងស្តាំដៃលោកអ្នកនឹងឃើញហាងបាយពេលព្រឹកដ៏ល្បីនេះដាក់ឈ្មោះថា ហាង ហ៊ុន ចាន់ថា ដែលអតិថិជនដាក់រហ័សនាមឱ្យថា «បាយ UME» នៅជាប់នឹងរបងសាកលវិទ្យាល័យ UME ក្នុងសង្កាត់សំបួរមាស ក្រុងកំពង់ចាម។
Tag:
ហាងបាយ UME
ជំនួញ
អាជីវកម្ម
កំពង់ចាម
ThmeyThmey25
© រក្សាសិទ្ធិដោយ thmeythmey.com