ជាតិ
ពីនេះ ពីនោះ
២៥ខេត្ត/រាជធានី
សេ្តចកំណាព្យ ជ័យ ចាប ជូនពរថ្ងៃខួបកំណើតលោកបណ្ឌិត ច័ន្ទ សំណព្វ ជាកំណាព្យ
×![]()
ដោយ: ថ្មីៗ
ភ្នំពេញ៖ ជាទូទៅ នៅក្នុងពិធីខួបកំណើត គេច្រើនតែសង្កេតឃើញ មិត្តភក្តិ សាច់ញាតិ ជូនពរឲ្យគ្នាទៅវិញទៅមកតាមពាក្យសម្តីធម្មតា ដូចជា «សូមឲ្យមានសុខភាពល្អ អាយុយឺនយូរ រកស៊ីទទួលទានឲ្យបានចម្រុងចម្រើន»។ល។ ឬក៏ទិញអំណោយជូនម្ចាស់ខួបកំណើតជាដើម។ ប៉ុន្តែសម្រាប់លោក ជ័យ ចាប (ឈ្មោះអ្នកនិពន្ធ ចាប ពូក) សាស្ត្រាចារ្យអក្សរសាស្ត្រ-អក្សរសីល ឬសេ្តចកំណាព្យ វិញ លោកបានជូនពរលោក ច័ន្ទ សំណព្វ បណ្ឌិតអក្សរសាស្ត្រខ្មែរជាទម្រង់កំណាព្យនៅលើទំព័រហ្វេសប៊ុក។
ខាងក្រោមនេះ គឺជាការជូនពររបស់សេ្តចកំណាព្យ ចាប ពូក (ជ័យ ចាប) ជាកំណាព្យទៅកាន់លោក ច័ន្ទ សំណព្វ កាលពីថ្ងៃទី១៧ខែកញ្ញាឆ្នាំ២០១៨កន្លងមក។
+ថ្ងៃនេះ ពិសេសជាងធម្មតា
ថ្ងៃនេះ អស្ចារ្យជុំញាតិមិត្ត
ថ្ងៃនេះ កំណើតនៃជីវិត
ថ្ងៃនេះ កើតពិតនិត្យអ្នកម៉ែ ។
+ ជូនពរ សូមមានសុខសួស្ដី
ជូនពរ សិរី រយឆ្នាំខែ
ជូនពរ សុខភាពល្អហូរហែ
ជូនពរ ជួបតែស្នេហ៍ភក្ដី !!!
+ ខួបដ៏ បវរសែនសប្បាយ
ខួបដ៏ ក្អាកក្អាយក្អែសំដី
ខួបខាំ នំ Cake ខួបឆ្នាំថ្មី
ខួបឱ មេឃដីតាមថែថួន ។
+ សូម ពុទ្ធពរដ៏ប្រត្យក្ស
សូម ឈ្នះឧបស័គ្គទិសទាំងបួន
សូម មានយសស័ក្ដិជាក់មាំមួន
សូម ឲ្យហំហួនរហូតហោង !!!
(ចាបពូក)
មួយរំពេចក្រោយមក លោក បណ្ឌិតអក្សរសាស្ត្រខ្មែរ ច័ន្ទ សំណព្វ ក៏ថ្លែងអំណរគុណបែបកំណាព្យជូនទៅលោក ជ័យ ចាប វិញយ៉ាងដូច្នេះថា៖
មួយរំពេចក្រោយមក លោក បណ្ឌិតអក្សរសាស្ត្រខ្មែរ ច័ន្ទ សំណព្វ ក៏ថ្លែងអំណរគុណបែបកំណាព្យជូនទៅលោក ជ័យ ចាប វិញយ៉ាងដូច្នេះថា៖
អរគុណលោកគ្រូលោកកវី
ចំពោះពរជ័យដ៏បវរ
ឱនកាយទទួលដោយអំណរ
ដោយចិត្តស្មោះសចិត្តជ្រះថ្លា។
កំណាព្យចុងចួនផ្ទួនរណ្ដំ
កំណាព្យចុងចួនផ្ទួនរណ្ដំ
ន័យធៀបន័យចំល្អអស្ចារ្យ
ពិតជាកវីជាគ្រូតា
ខ្ញុំសុំហៅថាស្ដេចកំណាព្យ។
បណ្ឌិតសភាចារ្យ ច័ន្ទ សំណព្វ
© រក្សាសិទ្ធិដោយ thmeythmey.com
