ជាតិ
គណៈកម្មាធិការតំបន់ឆ្នេរស្នើអាជ្ញាធរខេត្តព្រះសីហនុរៀបចំប្រព័ន្ធទឹក និងអាងបង្គន់អនាម័យឲ្យបានត្រឹមត្រូវ
លោក យន្ត មីន អភិបាលខេត្តព្រះសីហនុ
×![]()
ភ្នំពេញ៖ គណៈកម្មាធិការជាតិគ្រប់គ្រង និងអភិវឌ្ឍន៍តំបន់ឆ្នេរសមុទ្រកម្ពុជា បានណែនាំដល់អភិបាលខេត្ដព្រះសីហនុរៀបចំអាងប្រព្រឹត្ដកម្មទឹកកខ្វក់ អាងបង្គន់អនាម័យ និងប្រព័ន្ធលូឲ្យបានត្រឹមត្រូវ សម្រាប់សំណង់អគារ លំនៅឋាននៅក្នុងខេត្ដ។ នេះបើតាមលិខិតគណៈកម្មាធិការជាតិគ្រប់គ្រង បានចេញលិខិតកាលពីថ្ងៃទី១៨ ខែកញ្ញា។
ការចេញលិខិតណែនាំនេះធ្វើឡើង ដើម្បីធានាការអភិវឌ្ឍប្រកបដោយចីរភាព ផាសុកភាព សោភ័ណភាព គុណភាពទឹកសមុទ្រ។ ជាពិសេសធានានូវប្រព័ន្ធអេកូឡូស៊ី ជីវៈចម្រុះ និងឆ្នេរខ្សាច់កម្សាន្ត។
លិខិតដដែល បន្ថែមថា រាល់អគារលំនៅដ្ឋាន ពាណិជ្ជកម្ម សេវាកម្ម និងរោងចក្រថ្មី-ចាស់ជាដើម ត្រូវរៀបចំឲ្យមានអាងប្រព្រឹត្តកម្មទឹកកខ្វក់ អាងបង្គន់អនាម័យ និងប្រព័ន្ធលូ ក្នុងទីតាំងដីរៀងៗខ្លួន ឲ្យស្របតាមមុខងារប្រើប្រាស់អគារ និងបទដ្ឋានបច្ចេកទេសសំណង់ និងបរិស្ថាន។ ការអនុវត្តបែបនេះ ទើបអាចរៀបចំប្រព័ន្ធលូ តភា្ជប់ដែលចម្រោះរួចនេះ ចូលទៅប្រព័ន្ធលូសាធារណៈដែលភ្ជាប់ទៅស្ថានីយប្រព្រឹត្តកម្មទឹកកង្វក់របស់ខេត្តព្រះសីហនុបាន។
ករណីដែលម្ចាស់សំណង់មិនអនុវត្តតាមការណែនាំខាងលើអភិបាលខេត្តព្រះសីហនុ ត្រូវចាត់វិធានការផ្អាកការសាងសង់ ឬផ្អាក់អាជីវកម្មបណ្តោះអាសន្ន រហូតដល់មានការរៀបចំអាងប្រព្រឹត្តកម្មទឹកកខ្វក់ អាងបង្គន់អនាម័យ និងប្រព័ន្ធលូស្របតាមស្រមតាមការណែនាំខាងលើ ទើបអនុញ្ញាតឲ្យបន្តសាងសង់ឡើងវិញ»។ នេះជាការអះអាងរបស់គណៈកម្មាធិការជាតិគ្រប់គ្រង៕
Tag:
ព្រះសីហនុ
ឆ្នេរ
ទឹកកខ្វក់
© រក្សាសិទ្ធិដោយ thmeythmey.com
