ជាតិ
សេដ្ឋកិច្ច
EU ពន្លឿនការអនុវត្តយុទ្ធសាស្ត្ររបស់ខ្លួន ដើម្បីតភ្ជាប់ទំនាក់ទំនងអឺរ៉ុប និងអាស៊ី លោកស្រី Federica Mogherini អនុប្រធានគណៈកម្មការអឺរ៉ុប
× ភ្នំពេញ៖ សហភាពអឺរ៉ុប កាលពីថ្ងៃទី១៩ខែកញ្ញា បានអនុម័តរបាយការណ៍រួមមួយស្ដីពីចក្ខុវិស័យរបស់សហភាពអឺរ៉ុប ដោយបានដាក់ចេញនូវយុទ្ធសាស្ត្រថ្មី ដែលមានលក្ខណៈគ្រប់ជ្រុងជ្រោយ ដើម្បីភ្ជាប់ទំនាក់ទំនងរវាងអឺរ៉ុប និងអាស៊ីឲ្យកាន់តែប្រសើរជាងមុន។ នេះបើតាមសេចក្ដីប្រកាសរបស់សហភាពអឺរ៉ុប។
លោកស្រី Federica Mogherini អនុប្រធានគណៈកម្មការអឺរ៉ុបមានប្រសាសន៍ថា«នៅពេលដែលយើងកាន់តែភ្ជាប់ទំនាក់ទំនង យើងនឹងមានឱកាសកាន់តែច្រើន ដើម្បីស្វែងរកដំណោះស្រាយនយោបាយរួម ព្រមទាំងនាំមកនូវវិបុលភាពសេដ្ឋកិច្ចដល់ពលរដ្ឋ។ អភិក្រមរបស់យើង គឺជារបៀបធ្វើការរបស់សហភាពអឺរ៉ុប ដើម្បីបង្កើតទំនាក់ទំនងឲ្យបានកាន់តែរឹងមាំ និងពង្រឹងភាពជាដៃគូ ដើម្បីតភ្ជាប់ទំនាក់ទំនងប្រកបដោយនិរន្តរភាពលើគ្រប់វិស័យឈើលើការគោរពគោលការណ៍រួម»។
ឈរលើការប្ដេជ្ញាចិត្តចំពោះការតភ្ជាប់នេះ សហភាពអឺរ៉ុបដាក់ចេញសកម្មភាពចំនួន៣ជាក់លាក់។ ទី១, បង្កើតតំណរភ្ជាប់គមនាគមន៍ បណ្ដាញថាមពល និងឌីជីថល និងតភ្ជាប់ទំនាក់ទំនងមនុស្ស។ ទី២, ការផ្ដល់ភាពជាដៃគូ ក្នុងការតភ្ជាប់ទំនាក់ទំនងដល់បណ្ដាប្រទេសនានានៅអាស៊ី និងក្នុងអង្គការស្ថាប័នផ្សេងៗ។ និងទី៣, លើកកម្ពស់វិស័យហិរញ្ញវត្ថុ ប្រកបដោយនិរន្តរភាព តាមរយៈការប្រើប្រាស់ឧបករណ៍ហិរញ្ញវត្ថុចម្រុះ៕
© រក្សាសិទ្ធិដោយ thmeythmey.com