អាមេរិកប្រាប់សាធារណរដ្ឋដូមីនីកឲ្យពិចារណាពីផលប្រយោជន៍រយៈវែង ក្រោយចាប់ចិន

អន្តរជាតិ

អាមេរិកប្រាប់សាធារណរដ្ឋដូមីនីកឲ្យពិចារណាពីផលប្រយោជន៍រយៈវែង ក្រោយចាប់ចិន

21, Sep 2018 , 4:40 pm

រូបភាព

អគ្គរដ្ឋទូតអាមេរិកប្រចាំសាធារណរដ្ឋដូមីនិក Robin Bernstein (ឆ្វេង) (រូបភាព Domican Today)

ដោយ:

អគ្គរដ្ឋទូតអាមេរិកប្រចាំសាធារណរដ្ឋដូមីនីកា នៅថ្ងៃទី២០ កញ្ញា បានទទូចប្រទេសក្នុងតំបន់ការ៉ាអ៊ីប ដែលទើបតែលែងដៃពីតៃវ៉ាន់នេះឲ្យពិចារណាពីផលប្រយោជន៍រយៈពេលវែង ក្រោយសម្រេចភ្ជាប់ទំនាក់ទំនងជាមួយចិន។

ជាការបង្ហាញវត្តមានជាលើកដំបូងក្នុងសាធារណរដ្ឋដូមីនីកក្រោយប្រទេសនេះផ្ដាច់ទំនាក់ទំនងជាមួយតៃវ៉ាន់ ហើយភ្ជាប់ចំណងការទូតជាមួយចិន លោកស្រី Robin Bernstein អគ្គរដ្ឋទូតអាមេរិក បាននិយាយថា៖ «យើងគោរពអធិបតេយ្យភាពរបស់ដូមីនីក ប៉ុន្តែយើងសង្ឃឹមថាប្រទេសនេះធ្វើការសម្រេចចិត្តឡើងវិញ ដោយផ្អែកលើផលប្រយោជន៍រយៈពេលវែង»។

យោងតាមទីភ្នាក់ងារព័ត៌មាន Reuters លោកស្រី Bernstein បានបញ្ជាក់ទៀតថា ហេតុដែលលោកស្រីត្រូវបានគេកោះហៅត្រឡប់ទៅកាន់ទីក្រុងវ៉ាស៊ីនតោនវិញ គឺបង្ហាញថា រដ្ឋបាលសហរដ្ឋអាមេរិកតាមដានស្ថានភាពនៃបណ្តាប្រទេសជិតខាងរបស់ខ្លួនយ៉ាងម៉ត់ចត់បំផុត។ នៅដើមខែកញ្ញានេះ ក្រុងវ៉ាស៊ីនតោន បានកោះហៅប្រមុខការទូតរបស់ខ្លួនប្រចាំសាធារណរដ្ឋមូនីក ជុំវិញការសម្រេចចិត្តលែងទទួលស្គាល់តៃវ៉ាន់តទៅទៀត។

ខណៈនេះដែរ រដ្ឋមន្ត្រីការបរទេស លោក វ៉ាង យី បានទៅដល់សាធារណរដ្ឋដូមីនីកា ក្រោយប្រជាជាតិក្នុងប្រជុំកោះការ៉ាអ៊ីបមួយនេះ បានសម្រេចផ្តាច់ទំនាក់ទំនងជាមួយកោះតៃវ៉ាន់ និងទៅចាប់ខ្លួន។ ប្រមុខការទូតចិនរូបនេះ នឹងបើកដំណើរការស្ថានទូតចិនថ្មី នៅថ្ងៃទី២១ កញ្ញា ។

គួរឲ្យដឹងដែរថា សហរដ្ឋអាមេរិក និងចិន កំពុងតែបង្កើនការប្រកួតប្រជែងឥទ្ធិពលការទូតក្នុងតំបន់អាមេរិកកណ្តាល និងប្រជុំកោះការ៉ាអ៊ីប។ កិច្ចខិតខំប្រឹងប្រែងការទូតរបស់មហាអំណាចទាំងពីរនេះគឺធ្វើឡើង អំឡុងរដ្ឋបាលរបស់ប្រធានាធិបតីអាមេរិក ដូណាល់ ត្រាំ៕