ជាតិ
សេដ្ឋកិច្ច
ក្រុមហ៊ុនអាមេរិកមួយចំនួននឹងមកសិក្សា ពីសក្ដានុពលវិស័យកសិកម្មរបស់កម្ពុជា
×![]()
ដោយ: ភួង វ៉ាន់ថា
ភ្នំពេញ៖ តំណាងក្រុមហ៊ុនធំៗចំនួន ១៦រូបពីសហរដ្ឋអាមេរិក នឹងមកសិក្សាស្វែងយល់ពីវិស័យកសិកម្មនៅកម្ពុជា រយៈពេលពីរថ្ងៃ។ កម្មសិក្សានេះធ្វើឡើង ក្រោមប្រធានបទ ឱកាសធុរកិច្ចក្នុងវិស័យកសិកម្មនៅកម្ពុជា ដែលរៀបចំដោយសភាពាណិជ្ជកម្មសហរដ្ឋអាមេរិក។ នេះបើយោងតាមសេក្ដីប្រកាសព័ត៌មានរបស់ស្ថានទូតអាមេរិកនៅកម្ពុជា។
រយៈពេល២ថ្ងៃនៃកម្មសិក្សានេះ សមាជិកប្រតិភូនឹងស្វែងយល់ពីវិស័យផ្សេងៗទាក់ទងនឹងកសិកម្មរបស់កម្ពុជា ដែលមានដូចជា ស្រូវអង្ករ ចំណីសត្វ បសុសត្វ វារីវប្បកម្ម និងទស្សនាទីតាំងផលិតកម្មក្នុងមូលដ្ឋាន។ លើសពីនេះគណៈប្រតិភូនឹងជួបជាមួយមន្ត្រីជាន់ខ្ពស់មកពីក្រសួងពាណិជ្ជកម្ម ក្រសួងកសិកម្ម និងអ្នកជំនួញកម្ពុជាផងដែរ។
សេចក្ដីប្រកាសលើកឡើងទៀតថា ការរៀបចំព្រឹត្តិការណ៍នេះ គឺដើម្បីផ្ដល់លទ្ធភាពឲ្យក្រុមហ៊ុនអាមេរិកមានការយល់ដឹងស៊ីជម្រៅទៅលើវិស័យនេះ និងបង្កើនទំនាក់ទំនងជាមួយភាគីកម្ពុជា ដែលនឹងអាចក្លាយជាដៃគូវិនិយោគដ៏មានសក្តានុពលនៅពេលអនាគត។
ព្រឹត្តិការណ៍នេះនឹងប្រព្រឹត្តទៅនៅសណ្ឋាគារ Rosewood ភ្នំពេញ នាថ្ងៃទី ២៦ ដល់ថ្ងៃទី២៧ ខែកញ្ញា ឆ្នាំ២០១៨៕
Tag:
កសិកកម្ម
© រក្សាសិទ្ធិដោយ thmeythmey.com
