បុរសម្នាក់ ត្រូវបានខ្មាន់កាំភ្លើង បាញ់សម្លាប់ នៅផ្សារដើមគរ

ជាតិ

បុរសម្នាក់ ត្រូវបានខ្មាន់កាំភ្លើង បាញ់សម្លាប់ នៅផ្សារដើមគរ

23, Sep 2018 , 10:49 am

រូបភាព

ដោយ: ថ្មីៗ

ភ្នំពេញ៖ បុរសម្នាក់ ត្រូវបានឃាតក បាញ់សម្លាប់ នៅក្នុងសង្កាត់ផ្សារដើមគរ ខណ្ឌទួលគោក រាជធានីភ្នំពេញ កាលពីព្រឹកថ្ងៃទី២៣ ខែកញ្ញា ឆ្នាំ២០១៨នេះ។

អគ្គស្នងការនគរបាលជាតិ បានចុះផ្សាយថា ជនរងគ្រោះឈ្មោះ ធី ធូ អាយុ ២៧ឆ្នាំ មិនមានមុខរបរពិតប្រាកដ ហើយស្នាក់នៅចល័ត ក្នុងផ្សារនាគមាស សង្កាត់ផ្សារដើមគរ ខណ្ឌទួលគោក រាជធានីភ្នំពេញ។ នគរបាលជាតិ អះអាងថា ឃាតក បានបាញ់បុរសនោះ ចំក្បាលផ្នែកខាងក្រោយចំនួន១គ្រាប់។

នគរបាលជាតិ បន្តថា ក្រោយបាញ់រួច ឃាតក ក៏គេចខ្លួនបាត់។ បច្ចុប្បន្ន កម្លាំងជំនាញ កំពុងស្វែងរកចាប់ឃាតកនោះ ដើម្បីយកទៅផ្តន្ទាទោសតាមច្បាប់៕