វេជ្ជបណ្ឌិត យឹម សុបុត្រា ណែនាំវិធីសាស្ត្រកាត់បន្ថយស្ត្រេស

ជាតិ

វេជ្ជបណ្ឌិត យឹម សុបុត្រា ណែនាំវិធីសាស្ត្រកាត់បន្ថយស្ត្រេស

23, Sep 2018 , 1:59 pm

រូបភាព

ដោយ:

ភ្នំពេញ៖ ស្ត្រេស គឺជាប្រភពដែលនាំឲ្យឈានដល់វិបត្តិផ្លូវចិត្ត ឬជំងឺផ្លូវចិត្តធ្ងន់ធ្ងរ។ ហេតុនេះហើយបានជាអ្នកជំនាញចិត្តវិកល លោកវេជ្ជបណ្ឌិត យឹម សុបុត្រា ណែនាំថា ការចេះបែងចែកការងារជាអាទិភាព ជួយឲ្យមនុស្សកាត់បន្ថយស្រេ្តសបានច្រើន។ មិនថាមនុស្សស្ថិតនៅក្នុងវ័យណា ឬមានទំនួលខុសត្រូវបែបណាឡើយ បើមិនកំណត់ការងារណាត្រូវដោះស្រាយមុននោះទេ នឹងជួបបញ្ហាស្ត្រេសជាមិនខាន។

ខាងក្រោមនេះ គឺជាកិច្ចសម្ភាសដែលរៀបចំដោយកញ្ញា ថាន រស្មី អ្នកព័ត៌មាននៃសារព័ត៌មានថ្មីៗ ជាមួយលោកវេជ្ជបណ្ឌិត យឹម សុបុត្រា នាយកជំងឺផ្លូវចិត្ត និងការបំពានគ្រឿងញៀន នៃមន្ទីរពេទ្យមិត្តភាពខ្មែរសូវៀត៖

មនុស្សមួយចំនួនបានជ្រើសរើសគ្រឿងស្រវឹងដើម្បីពិសាបំភ្លេចទុក្ខ ឬហៅម្យ៉ាងទៀតថា កាត់ស្ត្រេស។ វិធីសាស្ត្រនេះត្រូវបានលោកវេជ្ជបណ្ឌិតណែនាំមិនឲ្យអនុវត្តនោះឡើយ ព្រោះតែការពិសាគ្រឿងស្រវឹង មិនត្រឹមតែមិនបានជួយដោះស្រាយបញ្ហានោះទេ តែថែមទាំងធ្វើឲ្យប៉ះពាល់ដល់សុខភាពថែមទៀតផង។

វិធីសាស្ត្រដែលល្អបន្ទាប់ពីការបែងចែការងារអាទិភាព លោកវេជ្ជបណ្ឌិត យឹម សុបុត្រា ណែនាំឲ្យមានការសម្រាកលំហែកាយឲ្យបានគ្រប់គ្រាន់។ ជាពិសេសត្រូវរៀបចំផែនការ ទៅតាមអ្វីដែលសមត្ថភាពអាចធ្វើបាន កុំកំណត់ផែនការណាដែលលើសពីអ្វីដែលខ្លួនអាចធ្វើបាន៕