រាជបណ្ឌិត្យសភាកម្ពុជា គ្រោងបង្កើតរោងចក្រកែច្នៃទឹកដោះគោ នៅដើមឆ្នាំ២០១៩

ជាតិ

សេដ្ឋកិច្ច

រាជបណ្ឌិត្យសភាកម្ពុជា គ្រោងបង្កើតរោងចក្រកែច្នៃទឹកដោះគោ នៅដើមឆ្នាំ២០១៩

24, Sep 2018 , 7:59 am

រូបភាព

ដោយ:

ភ្នំពេញ៖ រាជបណ្ឌិត្យសភាកម្ពុជា គ្រោងបង្កើតរោងចក្រកែច្នៃទឹកដោះគោ នៅដើមឆ្នាំ២០១៩ខាងមុខ។ ប្រធានរាជបណ្ឌិត្យសភា លោក សុខ ទូច បានឲ្យដឹងថា រាជបណ្ឌិត្យសភា នឹងនាំយកពូជគោ ផលិតទឹកដោះមកកម្ពុជា នៅខែធ្នូខាងមុខ។

យ៉ាងណាមិញ លោក សុខ ទូច នៅមិនទាន់អាចបញ្ជាក់បាននៅឡើយទេ អំពីទំហំនៃការចំណាយលើគម្រោងបង្កើតរោងចក្រកែឆ្នៃទឹកដោះគោមួយនេះ តែលោកនឹងបញ្ជាក់អំពីគម្រោងនេះលំអិត នៅខែធ្នូ បន្ទាប់ពីបាននាំពូជគោមកដល់កម្ពុជា។ ប្រធានបណ្ឌិត្យសភាកម្ពុជា លើកឡើងបែបនេះ នៅក្នុងពិធីបើកសន្និសីទលើកទី៩ ស្តីពី «គីមី និងជីវិត» នៅវិទ្យាស្ថានជាតិអប់រំ។

គម្រោងបង្កើតរោងចក្រកែច្នៃទឹកដោះគោនេះ នឹងធ្វើឡើងនៅខេត្តព្រះវិហារ ក្នុងឧទ្យានជាតិឫស្សីត្រឹប។ ទីតាំងនេះ ត្រូវបានរាជបណ្ឌិត្យសភាគ្រោងរៀបចំ ឲ្យក្លាយទៅជាសួនសត្វដ៏ធំ និងមានប្រភេទសត្វកម្រៗនៅអាស៊ី៕