ពីនេះ ពីនោះ
×![]()
ដោយ: ថ្មីៗ
ការពិតពាក្យ «អាប់ដេត» ដែលជាភាសាអង់គ្លេស Update និង«អាប់ក្រេដ Upgrade» នេះមិនមែនជាពាក្យខ្មែរឡើយ តែពលរដ្ឋខ្មែរសឹងតែប្រើគ្រប់គ្នាទៅហើយ តែពលរដ្ឋខ្លះនៅតែឆ្ងល់ថាពាក្យពីរនេះមានន័យដូចម្តេច នឹងខុសគ្នាយ៉ាងណាទៅ។ 
ក្រុមប្រឹក្សាជាតិភាសាខ្មែរ បានបញ្ជាក់ថា «អាប់ដេត (Update)» ជាការបន្ថែមព័ត៌មាន លក្ខណៈទម្រង់ថ្មី ចូលក្នុងកម្មវិធី ឬផលិតផលដែលបានចេញផ្សាយរួច ឬដែលមានស្រាប់។ ឧទាហរណ៍៖ ក្រសួងអប់រំ យុវជន និងកីឡា បានបង្កើតសាលាជំនាន់ថ្មីនៅវិទ្យាល័យព្រះស៊ីសុវត្ថិ និងបន្ថែមកម្មវិធីសិក្សាជាច្រើន ដើម្បីពង្រឹងគុណភាពអប់រំនៅកម្ពុជា ដោយបំពាក់ឧបករណ៍ និងសម្ភារទំនើបសម្រាប់សិក្សា និងពិសោធទៅដល់សិក្សានុសិស្ស។
ចំណែក «អាប់ក្រេដ (Upgrade)» ដែលជាភាសាខ្មែរ ថា «វិសិដ្ឋកម្ម» មានន័យថា ការជំនួសមាសភាគចាស់នៃប្រព័ន្ធ(ផលិតផលនៃកម្មវិធី) ជំនួសដោយសមាសភាគថ្មីបំផុត។ ឧទាហរណ៍៖ ក្រសួងអប់រំ យុវជន និងកីឡា បានសម្រេចឲ្យ(ធ្វើវិសិដ្ឋកម្ម) លោក ឌី ខាំប៉ូលី និងលោក រស់ សុវាចា ឲ្យក្លាយជាអ្នកនាំពាក្យថ្មីរបស់ក្រសួងអប់រំ ដោយជំនួសលោក រស់ សាលីន៕
Tag:
ពន្យល់ពាក្យ
© រក្សាសិទ្ធិដោយ thmeythmey.com
