ជាតិ
សាសនា / ធម៌
៥២ឆ្នាំនៃការយាងចូលព្រះទិវង្គតរបស់អ្នកប្រាជ្ញខ្មែរ សម្តេចព្រះសង្ឃរាជ ជួន ណាត សម្តេចព្រះមហាសង្ឃរាជ ជួន ណាត និងសម្តេចព្រះវររាជបិតា នរោត្តម សីហនុ កាលពីឆ្នាំ១៩៦៧។ រូបថត Larry Burrows/TimeLife
× ថ្ងៃទី២៥ ខែកញ្ញា ឆ្នាំ២០២១ នេះ ជាពិធីគម្រប់ខួប៥២ឆ្នាំនៃការយាងចូលព្រះទិវង្គតរបស់សម្តេចព្រះមហាសុមេធាធិបតី ជួន ណាត ជោតញ្ញាណោ សម្ដេចព្រះសង្ឃរាជថ្នាក់ទី១ គណៈមហានិកាយនៃព្រះរាជាណាចក្រកម្ពុជា ដែលជាកំពូលអ្នកប្រាជ្ញរបស់កម្ពុជា។ សម្តេចព្រះសង្ឃរាជ បានសោយទិវង្គតកាលពីថ្ងៃទី២៥ ខែកញ្ញា ឆ្នាំ១៩៦៩ ក្នុងព្រះជន្មាយុ៨៦ព្រះវស្សា។
ប្រសូតនៅថ្ងៃទី១១ ខែមីនា ឆ្នាំ១៨៨៣ ពីត្រកូលកសិករនៅភូមិកំរៀង សង្កាត់រកាកោះ ស្រុកគងពិសី ខេត្តកំពង់ស្ពឺ សម្តេចព្រះសង្ឃរាជ បានចាប់ផ្តើមសិក្សារៀនសូត្រអក្សរសាស្ត្រពីសំណាក់លោកគ្រូសូត្រស្ដាំនាម កែវ ម៉ន វត្តពោធិព្រឹក្ស ហៅវត្តពោល្យំ សង្កាត់រលាំងកែន ស្រុកកណ្ដាលស្ទឹង ខេត្តកណ្ដាល តាំងពីពេលមានព្រះជន្ម១២ព្រះវស្សា។
បន្ទាប់មក ព្រះអង្គបានបួសជាសាមណេរនៅឆ្នាំ១៨៩៧ ហើយនៅបំពេញកិច្ចសិក្សានាវត្តពោធិព្រឹក្សពីរឆ្នាំ មុនបន្តទៅរៀនសូត្រព្រះបរិយត្តិធម៌ ឯវត្តឧណ្ណាលោម ក្រុងភ្នំពេញ ក្នុងសំណាក់ព្រះពុទ្ធគ្រូ ទេព សោ នាកុដិថែវប្របកំពែងខាងជើងក្នុងឆ្នាំ១៨៩៩។
សម្ដេចព្រះសង្ឃរាជ មានសេចក្ដីព្យាយាមប្រកបដោយថាមពលដ៏ក្លៀវក្លាក្នុងការសិក្សា ទាំងផ្នែកភាសាបាលី ទាំងផ្នែកភាសាឯទៀតៗ ដែលធ្វើឲ្យព្រះអង្គមានព្រះកិត្តិស័ព្ទល្បីល្បាញជាលំដាប់។ នៅឆ្នាំ១៩១៩ សម្ដេចទ្រង់បានធ្វើជាសមាជិកនៃក្រុមជំនុំតែងវចនានុក្រមខ្មែរ ដែលទ្រង់ជាលេខាធិការ កាន់កិច្ចការផ្ទាល់ លុះត្រាបានចប់ចុងចប់ដើម។ នៅឆ្នាំ១៩២៧ សម្ដេចទ្រង់បានទទួលការតែងតាំងជាសមាជិក នៃក្រុមជំនុំផ្ទៀងសម្រេចខាងវចនានុក្រមខ្មែរ ហើយសម្ដេចទ្រង់បានទទួលភារៈធ្វើវចនានុក្រម តែមួយព្រះអង្គឯង។
សូមអានព្រះរាជជីវប្រវត្តិពិស្តារបស់សម្តេចព្រះសង្ឃរាជ ជួន ណាត នៅលើគេហទំព័រ
5000-years.org
Tag:
អប់រំ
សម្តេចព្រះសង្ឃរាជ ជួន ណាត
© រក្សាសិទ្ធិដោយ thmeythmey.com