ជាតិ
សេដ្ឋកិច្ច
ចេកល័ក្ខមួយស្និតលក់បានក្នុងតម្លៃពី១២,០០០ ទៅ១៥,០០០រៀល
× សៀមរាប៖ ចេកល័ក្ខ ជាប្រភេទចេកមួយប្រភេទដែលមានដុះច្រើននៅតំបន់ភ្នំគូលែន។ អ្នកមកលេងភ្នំគូលែន តែងតែចូលទិញចេកនេះ ព្រោះមើលទៅប្លែកភ្នែក ដោយសារសំបកចេកមួយប្រភេទនេះមានពណ៌មាស។ កសិករស្រុកបន្ទាយស្រី ក៏បានយកចេកនេះមកលក់ក្នុងក្រុងសៀមរាបដែរ តែមិនមានរាល់ថ្ងៃទេ ដែលដាក់លក់នៅផ្សារបន្លែសុវត្ថិភាព មុខហាងក្ដឿងកាហ្វេ ក្រុងសៀមរាប។
អ្នកស្រី កែវ សារុន ជាកសិករដែលនាំចេកល័ក្ខមកលក់ បានឱ្យដឹងថា ចេកប្រភេទនេះពិបាកដាំដុះណាស់ ហើយផលក៏មិនបានច្រើនដែរ។ អ្នកស្រីបន្ថែមថា ក្នុងមួយស្ទោងមានចន្លោះពី៣ស្និត ទៅ៥ស្និតតែប៉ុណ្ណោះ។ អ្នកស្រី សារុន អាចលក់ចេកល័ក្ខក្នុងមួយស្និតតម្លៃពី ១២,០០០រៀល ទៅ១៥,០០០រៀល ឬអាចបានថ្លៃជាងនេះតាមទំហំចេក។ «ចេកល័ក្ខមានរសជាតិផ្អែមឆ្ងុយ។ ប្រសិនបើស្និតធំ ចេកល័ក្ខមានទំហំ ៦គីឡួក្រាមឯណោះ ហើយក្នុងមួយផ្លែស្នើនឹងចេកពងមាន់មួយស្និត»។ នេះជាការលើកឡើងរបស់អ្នកស្រី សារុន៕
Tag:
ចេក
គូលែន
សៀមរាប
© រក្សាសិទ្ធិដោយ thmeythmey.com