កម្ពុជា នឹងបើកស្ថានទូតនៅប៊ុលហ្គារី ឡើងវិញ នៅឆ្នាំ២០១៩

ជាតិ

សង្គមជាតិ

កម្ពុជា នឹងបើកស្ថានទូតនៅប៊ុលហ្គារី ឡើងវិញ នៅឆ្នាំ២០១៩

30, Sep 2018 , 9:19 am

រូបភាព

ដោយ: ថ្មីៗ

ភ្នំពេញ៖ កម្ពុជា គ្រោងបើកស្ថានទូត នៅប្រទេសប៊ុលហ្គារី ឡើងវិញ ដើម្បីពង្រឹងទំនាក់ទំនងកិច្ចសហប្រតិបត្តិការភាគីទាំងពីរ។ នេះជាការលើកឡើងរបស់សម្ដេចនាយករដ្ឋមន្ត្រី ហ៊ុន សែន ក្នុងជំនួបទ្វេរភាគីជាមួយលោក ប៊ួយកូ បូរីសូវ (Boyko Borissov) នាយករដ្ឋមន្ត្រីប៊ុលហ្ការី ក្រោយប្រជុំមហាសន្និបាតអង្គការសហប្រជាជាតិ លើកទី៧៣ នៅទីក្រុងញូវយ៉ក សហរដ្ឋអាមេរិក។

ក្នុងជំនួបពិភាក្សាគ្នានោះ ភាគីទាំងពីរបានឯកភាពគ្នា ក្នុងការបន្តពង្រឹង និងពង្រីកទំនាក់ទំនងកិច្ចសហប្រតិបត្តិការឲ្យកាន់តែរឹងមាំទ្វេឡើង ទាំងក្នុងវិស័យសេដ្ឋកិច្ច វិនិយោគ ពាណិជ្ជកម្ម និងទេសចរណ៍។ អមជាមួយការឯកភាពនេះ សម្តេច ហ៊ុន សែន ក៏បានប្រាប់ពីបំណងសហការគ្នាទៅនាយករដ្ឋមន្ត្រីប៊ុលហ្ការីថា កម្ពុជានឹងរៀបចំបើកស្ថានឯកអគ្គរាជទូតកម្ពុជា នៅប៊ុលហ្ការីជាថ្មីឡើងវិញ នៅឆ្នាំ២០១៩ ខាងមុខ បន្ទាប់ពីបានបិទមួយរយៈ ដោយស្ថានភាពនយោបាយរបស់ប្រទេសប៊ុលហ្ការី។

នាយករដ្ឋមន្ត្រីប៊ុលហ្គារី លោក ប៊ួយកូ បូរីសូវ (Boyko Borissov) ស្វាគមន៍ចំពោះបំណងរបស់ប្រមុខរដ្ឋាកម្ពុជា ដែលចង់បើកស្ថានឯកអគ្គរាជទូតរបស់ខ្លួន នៅប្រទេសប៊ុលហ្ការីនេះ។

ប្រទេសប៊ុលហ្ការី គឺបានដើរតួនាទីយ៉ាងសំខាន់ ក្នុងការជួយដល់ប្រទេសកម្ពុជា នៅពេលដែលកម្ពុជាបានរំដោះចេញពីរបបប្រល័យពូជសាសន៍ ប៉ុល ពត និងបន្តវត្តមានចូលរួមចំណែកថែរក្សាសន្តិភាពនៅកម្ពុជា ក្រោយកិច្ចព្រមព្រៀងទីក្រុងប៉ារីសផងដែរ។ នេះបើតាមហ្វេសប៊ុកសម្ដេច ហ៊ុន សែន៕