អាជ្ញាធរគ្រប់គ្រងចរាចរណ៍ ដាស់តឿនអ្នកបើកបរ ឲ្យប្រុងប្រយ័ត្ន ក្នុងពិធីបុណ្យភ្ជុំបិណ្ឌ

ជាតិ

សង្គមជាតិ

អាជ្ញាធរគ្រប់គ្រងចរាចរណ៍ ដាស់តឿនអ្នកបើកបរ ឲ្យប្រុងប្រយ័ត្ន ក្នុងពិធីបុណ្យភ្ជុំបិណ្ឌ

30, Sep 2018 , 9:59 pm

រូបភាព

ដោយ:

ភ្នំពេញ៖ គណៈកម្មាធិការជាតិសុវត្ថិភាពចរាចរណ៍ផ្លូវគោក អំពាវនាវដល់អ្នកបើកបរ ធ្វើដំណើរទៅស្រុកកំណើត និងអ្នក ធ្វើដំណើរកម្សាន្តនៅរមណីយដ្ឋាននានា ឲ្យគោរពច្បាប់ចរាចរណ៍, ពាក់មួកសុវត្ថិភាព, ពាក់ខ្សែក្រវ៉ាត់, មិនត្រូវបើកបរក្នុងស្ថានភាពស្រវឹង ឬងងុយដេក និងបើកបរដោយគោរពគ្នាទៅវិញទៅមក។ ការអំពាវនាវនេះ ព្រោះតែកន្លងមក មានអ្នកស្លាប់ រងរបូស និងខូចខាតសម្បត្តិជាច្រើន ដោយសារធ្វេសប្រហែសក្នុងការបើកបរ។

សេចក្តីអំពាវនាវ ដែលមានការចុះហត្ថលេខាដោយសម្តេច ស ខេង រដ្ឋមន្ត្រីក្រសួងមហាផ្ទៃ និងជាប្រធានគណៈកម្មាធិការជាតិសុវត្ថិភាពចរាចរណ៍ផ្លូវគោក បានបញ្ជាក់ថា៖«គ្រោះថ្នាក់ចរាចរណ៍ នៅតែជាបញ្ហាប្រឈមចំពោះមុខ និងយូរអង្វែង ដែលអាចនឹងកើតឡើងភ្លាមៗ បើអ្នកបើកបរ មិនមានការប្រុងប្រយ័ត្ន និងខ្ជីខ្ជាក្នុងការគោរពច្បាប់ចរាចរណ៍»។

សេចក្តីអំពាវនាវនេះដដែល បានកត់សម្គាល់ថា ក្នុងឱកាសបុណ្យភ្ជុំបិណ្ឌខាងមុខនេះ មានកំណើនយានយន្តធ្វើចរាចរណ៍ច្រើន ដែលបណ្តាលឲ្យមានការកកស្ទះ និងមានកំណើនគ្រោះថ្នាក់ចរាចរណ៍ ដូចក្នុងពិធីបុណ្យនានាកន្លងទៅ។ មូលហេតុនេះ គណៈកម្មាធិការជាតិសុវត្ថិភាពចរាចរណ៍ផ្លូវគោក អំពាវនាវឲ្យពលរដ្ឋ ប្រុងប្រយ័ត្នចំពោះការបើកបរ ត្រូវគោរពសិទ្ធអាទិភាព គោរពសញ្ញាចរាចរណ៍ និងប្រកាន់ស្តាំ, មិនត្រូវបត់ ឬវ៉ាជែង និងបើកបរដោយពាក់មួកសុវត្ថិភាព និងខ្សែក្រវ៉ាត់ជានិច្ច៕