សម្តេច ហ៊ុន សែន រំលែកទុក្ខការបាត់បង់ជីវិតមនុស្សជិត១ពាន់នាក់ ដោយសាររញ្ជួយដីនៅឥណ្ឌូនេស៊ី

ជាតិ

នយោបាយជាតិ

សម្តេច ហ៊ុន សែន រំលែកទុក្ខការបាត់បង់ជីវិតមនុស្សជិត១ពាន់នាក់ ដោយសាររញ្ជួយដីនៅឥណ្ឌូនេស៊ី

02, Oct 2018 , 10:12 am

រូបភាព

រូបពី AFP

ដោយ: ថ្មីៗ

ភ្នំពេញ៖ នៅថ្ងៃទី២ ខែតុលា ឆ្នាំ២០១៨ សម្តេច ហ៊ុន សែន នាយករដ្ឋមន្ត្រីកម្ពុជា បានផ្ញើសាររំលែកទុក្ខ ជូនលោក ចូកូ វីដូដូ ប្រធានាធិបតីឥណ្ឌូនេស៊ី ចំពោះការបាត់បង់ជីវិតមនុស្ស និងរងរបួស រួមទាំងបាត់ខ្លួនជាច្រើននាក់ ដោយសារតែរញ្ជូយដី និងរលកយក្ស ស៊ូណាមិ នាពេលថ្មីៗនេះ។

នាយករដ្ឋមន្ត្រីកម្ពុជា បានសរសេរក្នុងលិខិររំលែកទុក្ខ យ៉ាងដូច្នេះថា៖«ក្នុងនាមរាជរដ្ឋាភិបាលកម្ពុជា និងប្រជាជនកម្ពុជា ខ្ញុំ សូមចូលរួមរំលែកទុក្ខយ៉ាងក្រៀមក្រំ និងអាណិតអាសូរបំផុត ជូនចំពោះឯកឧត្តម និងចំពោះប្រជាជនឥណ្ឌូនេស៊ី ជាពិសេសក្រុមគ្រួសារសព និងជនរងគ្រោះ ចំពោះការបាត់បង់ និងទុក្ខវេទនាដ៏ធំ ដោយសារបាតុភូតធម្មជាតិដ៏អកុសលនេះ។

កម្ពុជា ឈរកៀកស្មារួមជាមួយឥណ្ឌូនេស៊ី ក្នុងគ្រាមានទុក្ខដោយគ្រោះមហន្តរាយនេះ និងសូមជូនពរដល់អ្នករបួស ឲ្យបានឆាប់ជាសះឡើយវិញ»។

សូមបញ្ជាក់ថា មកដល់ពេលនេះ ចំនួនអ្នកស្លាប់នៅឥណ្ឌូនេស៊ី មិនតិចជាង៨០០នាក់នោះទេ ដោយសារតែគ្រោះធម្មជាតិនេះ៕