ជាតិ
សេដ្ឋកិច្ច
×![]()
ភ្នំពេញ៖ ធនាគារជាតិនៃកម្ពុជា (NBC) បានប្រកាសឲ្យពលរដ្ឋ ប្រុងប្រយ័ត្នចំពោះ សេវាកម្ចីក្រៅផ្លូវការ។ នេះបើតាមសេចក្ដីប្រកាសព័ត៌មានរបស់ធនាគារជាតិ នៅថ្ងៃទី៣ខែតុលានេះ។
ធនាគារជាតិ បានឲ្យដឹងថា នាពេលថ្មីៗនេះ មានការផ្ញើសារទាក់ទងក្នុងប្រព័ន្ធទូរសព្ទ ដោយឃោសនាផ្ដល់ប្រាក់កម្ចីរហ័ស មិនចាំបាច់មានឯកសារ ឬទ្រព្យបញ្ចាំ។ ធនាគារជាតិ បញ្ជាក់ថា សកម្មភាពនេះ ជាអំពើខុសច្បាប់ស្ដីពីគ្រឹះស្ថានធនាគារ និងហិរញ្ញវត្ថុ ដោយក្រុមហ៊ុន ឬបុគ្គលនោះ គ្មានការអនុញ្ញាតឲ្យផ្ដល់សេវាប្រាក់កម្ចី ពីធនាគារជាតិឡើយ។
«សូមសាធារណជនជ្រាបជាព័ត៌មាន និងប្រុងប្រយ័ត្ន ដើម្បីចៀសវាងការប្រើប្រាស់សេវាកម្ចីក្រៅផ្លូវការ ដែលអាចប្រឈមនឹងការចាញ់បោក ល្បិចកលរបស់ឈ្មួញចងការប្រាក់ និងហានិភ័យផ្សេងៗជាយថាហេតុ»។ នេះបើតាមសេចក្ដីប្រកាសព័ត៌មានដដែលនេះ៕
Tag:
កម្ចី
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
