លោក អ៊ិត សំហេង ហាមបទ «ភ្ជុំបិណ្ឌនឹកស្រុក» ដែល ម៉ៅ ហាជី ច្រៀងកាលពីពីរឆ្នាំមុន

ជាតិ

បុណ្យភ្ជុំបិណ្ឌ

សិល្បះ

លោក អ៊ិត សំហេង ហាមបទ «ភ្ជុំបិណ្ឌនឹកស្រុក» ដែល ម៉ៅ ហាជី ច្រៀងកាលពីពីរឆ្នាំមុន

03, Oct 2018 , 8:57 pm

រូបភាព

ដោយ:

ក្រោមហេតុផលថា មានការប៉ះពាល់យ៉ាងខ្លាំងដល់គោលនយោបាយរដ្ឋាភិបាល លោក អ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានសរសេរលិខិតទៅលោក ខៀវ កាញារីទ្ធ រដ្ឋមន្ត្រីក្រសួងព័ត៌មាន និងលោកស្រី ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ ឲ្យផ្អាកការប្រើប្រាស់ និងការផ្សព្វផ្សាយបទចម្រៀង «ភ្ជុំបិណ្ឌនឹកស្រុក» របស់តារាចម្រៀង ម៉ៅ ហាជី ដែលបានចេញផ្សាយតាំងពីឆ្នាំ២០១៦ ។ បទចម្រៀងនេះ លើកឡើងពីការត្អូញត្អែររបស់កម្មករ ដែលគ្មានលុយទៅលេងស្រុក ដោយសារអត់បានបើកប្រាក់ខែរ។

ក្នុងលិខិតចុះថ្ងៃទី៣ ខែតុលា លោក អ៊ិត សំហេង បានប្រាប់មូលហេតុទៅកាន់រដ្ឋមន្ត្រីពីររូបទៀតថា បទចម្រៀង «ភ្ជុំបិណ្ឌនឹកស្រុក» មានឃ្លាមួយច្រៀងថា «កម្មករនិយោកជិតមិនទាន់បើកប្រាក់ខែ ក្នុងរដូវបុណ្យភ្ជុំបិណ្ឌដែលធ្វើឲ្យកម្មករនិយោជិតមិនបានទៅស្រុកកំណើតទៅលេងម៉ែ-ពុកបានត្រឹមតែស្រក់ទឹកនេត្រា ហើយបានទូរសព្ទប្រាប់ម៉ែ ពុកបន្ទាប់ពីភ្ជុំបិណ្ឌរួចហើយបានអាចទៅលេងស្រុកកំណើត»។ ត្រង់អត្ថន័យនេះហើយ បានជា រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ យល់ថា ខុសឆ្គង ដោយផ្ទុយពីការខិតខំរបស់រាជរដ្ឋាភិបាលដែលកំពុងយកចិត្តទុកដាក់លើកម្មករនិយោជិត។

លោក អ៊ិត សំហេង បានក្រើនរំលឹកដល់ម្ចាស់ផលិតកម្ម និងអ្នកនិពន្ធ ឲ្យមានការយកចិត្តទុកដាក់ខ្ពស់ចំពោះការតែងនិពន្ធ ឬការសម្តែងណាដែលប៉ះពាល់ដល់គោលនយោបាយរបស់រាជរដ្ឋាភិបាល និងតម្រូវឲ្យស្ថានីយទូរទស្សន៍ ឬបណ្តាញផ្សព្វផ្សាយ បញ្ឈប់ការចាក់ផ្សាយបទចម្រៀង «ភ្ជុំបិណ្ឌនឹកស្រុក» នេះជាបន្ទាន់៕

ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ

1 សប្តាហ៍

នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤

4 ថ្ងៃ

សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង

7 ថ្ងៃ

«មជ្ឈការ»មានន័យខុសពី«វិមជ្ឈការ»ដូចម្តេច?

3 ថ្ងៃ

អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ

5 ថ្ងៃ

អត្ថបទពេញនិយមបន្ថែម