ជាតិ
សេដ្ឋកិច្ច
លោក សុខ ចិន្តាសោភា ប្រធានក្រុមប្រឹក្សាអភិវឌ្ឍន៍កម្ពុជា ជាមួយលោក Michael Michalak អនុប្រធានក្រុមប្រឹក្សា និងជានាយកគ្រប់គ្រងតំបន់ ធុរកិច្ចអាមេរិក-អាស៊ាន (រូបភពបានពីCDC)
×![]()
ភ្នំពេញ៖ ក្រុមហ៊ុនសហរដ្ឋអាមេរិកនៅកម្ពុជា មានទំហំទឹកប្រាក់ ប្រមាណ១,១ពាន់លានដុល្លារ លើគម្រោង៥២ ដែលមាននៅកម្ពុជា។ ក្នុងទំហំវិនិយោគទាំងនោះមាន ២៧៤លានដុល្លារ វិនិយោគលើវិស័យឧស្សាហកម្ម និងកម្មន្តសាល។
ទំហំទឹកប្រាក់វិនិយោគ១,១ពាន់លានដុល្លារនេះ គឺគិតចាប់តាំងពីអាមេរិកបោះទុនវិនិយោគនៅកម្ពុជាបច្ចុប្បន្ននេះ។ នេះជាការលើកឡើងរបស់លោក សុខ ចិន្តាសោភា ប្រធានក្រុមប្រឹក្សាអភិវឌ្ឍន៍កម្ពុជា ដែលថ្លែងក្នុងជំនួបពិភាក្សាធុរកិច្ចសហរដ្ឋអាមេរិក-អាស៊ាន ដឹកនាំដោយ លោក ម៉ៃឃើល មីខាឡិក (Michael Michalak) អនុប្រធានក្រុមប្រឹក្សា និងជានាយកគ្រប់គ្រងថ្នាក់តំបន់ នៅទីស្តីការក្រុមប្រឹក្សាអភិវឌ្ឍន៍កម្ពុជា កាលពីថ្ងៃទី៣តុលា ឆ្នាំ២០១៨។
ជំនួបពិភាក្សានេះផងដែរ ធ្វើឡើងក្នុងគោលបំណងជំរុញទំនាក់ទំនងអាជីវកម្ម រវាងកម្ពុជា-អាមេរិក ឱ្យកាន់តែរឹងមាំ ក៏ដូចជាឈ្វេងយល់បន្ថែមពីកាលានុវត្តភាព សក្ដានុពលពាណិជ្ជកម្ម និងវិនិយោគនៅកម្ពុជា ។ កម្ពុជាបានដាក់ចេញ ដោយលើកទឹកចិត្ត និងពង្រឹងទំនុកចិត្តរបស់អ្នកវិនិយោគគ្រប់រូបក្នុងការធ្វើធុរកិច្ច និងវិនិយោគនៅកម្ពុជា រួមបញ្ចូលទាំងគោលនយោបាយអភិវឌ្ឍន៍វិស័យឧស្សាហកម្មកម្ពុជា ឆ្នាំ២០១៥-២០២៥ ដែលមានចក្ខុវិស័យក្នុងការជំរុញកែប្រែ និងធ្វើទំនើបកម្មរចនាសម្ព័ន្ធឧស្សាហកម្មកម្ពុជា ពីឧស្សាហកម្មអតិពលកម្ម ឈានទៅឧស្សាហកម្មផ្អែកលើជំនាញ៕
Tag:
វិនិយោគ
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
