ជាតិ
សហភាពអឺរ៉ុប ជាដៃគូវិនិយោគធំលំដាប់៣ និងមានទំហំពាណិជ្ជកម្មជាង៦ពាន់លានដុល្លារ ជាមួយកម្ពុជា
×![]()
ភ្នំពេញ៖ សហភាពអឺរ៉ុប(EU) ជាដៃគូវិនិយោគដ៍ធំនៅកម្ពុជា លំដាប់ទី៣ បន្ទាប់ពីប្រទេសចិន និងប្រទេសកូរ៉េខាងត្បូង។ វិនិយោគិនរបស់សហភាពអឺរ៉ុប ដែលមកវិនិយោគ និងធ្វើធុរកិច្ចនៅកម្ពុជា មានលើវិស័យកសិកម្ម ថាមពលសូឡា ការសាងសង់ព្រលានយន្តហោះ ប្រេងឥន្ទនៈ និងរថយន្តជាដើម។ នេះជាការលើកឡើងរបស់ George Edgar ឯកអគ្គរដ្ឋទូតសហភាពអឺរ៉ុបប្រចាំកម្ពុជា នៅក្នុងកិច្ចពិភាក្សាសារព័ត៌មានស្តីពីធុរកិច្ចអឺរ៉ុប និងកិច្ចអភិវឌ្ឍ នៅសណ្ឋាគារសាន់វេ ថ្ងៃទី៤តុលា។
លោក George Edgar បានបន្តថា ទំហំពាណិជ្ជកម្មរវាង កម្ពុជា-អឺរ៉ុប ក្នុងឆ្នាំ២០១៧ ដែលកម្ពុជានាំចូលទំនិញ ទៅសហគមន៍អឺរ៉ុប មានទឹកប្រាក់ជាង ៥,៧ពាន់លានដុលា្លរអាមរិក ខណៈដែលសមាគមន៍អឺរ៉ុបនាំចូលទំនិញមកកម្ពុជាវិញ មានជាង ៩៧០លានដុល្លារអាមេរិក ប៉ុណ្ណោះ។
ជាមួយគ្នានេះ លោក Tassilo Brinzer អនុប្រធានសភាពាណិជ្ជកម្មអឺរ៉ុបនៅកម្ពុជា (Eurocham in Cambodia) បានមានប្រសាសន៍ផងដែរ ថា ក្រុមហ៊ុនអឺរ៉ុបមានវត្តមាននៅកម្ពុជា ជាយូរឆ្នាំមកហើយ ដោយបានធ្វើការងារជាមួយរដ្ឋាភិបាលកម្ពុជា ក្នុងការលើកកម្ពស់កំណើនសេដ្ឋកិច្ច។ ក្នុងនោះសហភាពអឺរ៉ុបបានជួយកម្ពុជា តាមរយៈការអនុគ្រោះពន្ធនាំចូលទំនិញទៅទីផ្សារអឺរ៉ុប និងតាមរយៈការផ្តល់ជំនួយមកកម្ពុជា លើវិស័យនានាក្នុងការអភិវឌ្ឍប្រទេសឲ្យរីកចម្រើន។
លោក Tosilo Brinser អនុប្រធានសភាពាណិជ្ជកម្មអឺរ៉ុប ប្រចាំកម្ពុជា
លោក Tassilo បានឲ្យដឹងថា វិនិយោគិនអឺរ៉ុប ដែលមកធ្វើធុរកិច្ច និងវិនិយោគនៅកម្ពុជា មានជាង៥០០នាក់ ដែលបានផ្តល់លក្ខខណ្ឌការងារល្អៗដល់ពលរដ្ឋកម្ពុជារាប់សែននាក់ តាមរយៈការបង្កើតក្រុមហ៊ុនធំៗដែលមានលក្ខណៈស្តង់ដារអន្តរជាតិ។
សូមបញ្ជាក់ថា ចំពោះទំនិញដែលកម្ពុជា នាំចូលទៅផ្សារអឺរ៉ុប មានគ្រឿងវាយនភណ្ឌ(សម្លៀកបំពាក់ ស្បែកជើងជាដើម) កសិកម្ម (អង្ករ, ម្រេច) និងកង់៕
Tag:
សេដ្ឋកិច្ច
EU
វិនិយោគ
© រក្សាសិទ្ធិដោយ thmeythmey.com
