Man Utd នឹងមិនបញ្ចប់តំណែង Mourinho ទេ ហើយថែមទាំងផ្តល់ការគាំទ្រពេញទំហឹង

កីឡាអន្តរជាតិ

អន្តរជាតិ

Man Utd នឹងមិនបញ្ចប់តំណែង Mourinho ទេ ហើយថែមទាំងផ្តល់ការគាំទ្រពេញទំហឹង

06, Oct 2018 , 4:12 pm

រូបភាព

ដោយ: ទេព ពិទូរ្យ

ក្លិប Manchester United នឹងនៅឈរខាងលោក Jose Mourinho ដដែលនៅអំឡុងពេលនេះ ខណៈដែលអ្នកចាត់ការទូទៅរូបនេះកំពុងព្យាយាមធ្វើយ៉ាងណាដើម្បីរក្សាការងាររបស់ខ្លួននៅទឹកដី Old Trafford។

អត្ថបទទាក់ទង

ព័ត៌មានទាក់ទងនឹងគម្រោងបណ្តេញលោក Mourihno ធ្វើឲ្យ Neville ខឹងយ៉ាងខ្លាំង

មានរបាយការណ៍មួយអះអាងថាលោក Mourinho នឹងត្រូវបញ្ចប់តំណែងជាអ្នកចាត់ការ Man Utd នៅចុងសប្តាហ៍នេះទោះបីជាលទ្ធផលនៃការប្រកួតទល់នឹង Newcastle United ចាញ់ ឬឈ្នះក៏ដោយ។ ប៉ុន្តែប្រភពពីមន្ត្រីជាន់ខ្ពស់របស់ក្លិបបានច្រានចោលចំពោះព័ត៌មាននេះ ហើយថែមទាំងផ្តល់ឱកាសឲ្យលោក Mourinho កាន់តែច្រើនបន្ថែមទៀត ដើម្បីបង្វែរស្ថានការអាក្រក់របស់ក្រុម Man Utd ក្នុងរដូវកាលនេះ។

សារព័ត៌មានកីឡា SportsMail បានបង្ហាញថាសូម្បីតែក្រុមការងាររបស់លោក Mourinho ក៏កំពុងត្រៀមខ្លួនសម្រាប់ការប្រកួតដ៏អាក្រក់បំផុតមិនធ្លាប់មានក្នុងរយៈពេល២៩ឆ្នាំចុងក្រោយ ដើម្បីគេចផុតពីការបាត់បង់ការងាររបស់ពួកគេ។

អ្នកចាត់ការសញ្ជាតិព័រទុយហ្គាល់ វ័យ៥៥ឆ្នាំរូបនេះ បានបាត់បង់ការគាំទ្រពីសំណាក់ក្រុមរបស់លោក ហើយបានសាកសួរជាសាធារណៈចំពោះការប្តេជ្ញាចិត្តរបស់កូនក្រុមចំពោះបញ្ហាមុនពេលការប្រកួតក្របខណ្ឌ Champions League កាលពីថ្ងៃអង្គារទល់នឹងក្រុម Valencia ខណៈ Man Utd មិនដែលឈ្នះក្នុងផ្ទះខ្លួនឯងចំនួន៤ប្រកួតមកហើយមុនពេលស្វាគមន៍ Newcastle នៅយប់ថ្ងៃទី៦ ខែតុលានេះ។

បើទោះជាទទួលលទ្ធផលមិនគាប់ប្រសើរយ៉ាងនេះក្តី តែប្រធានប្រតិបត្តិក្លិបបិសាចក្រហមលោក Ed Woodward នៅតែគាំទ្រលោក Mourinho និងផ្តល់ការគាំទ្រធំបំផុតក្នុងជីវិតរបស់អ្នកចាត់ការរូបនេះដើម្បីជាកំលាំងចិត្តក្នុងការស្តាក្រុមឡើងវិញ៕