-​រំ​លឹម​តក់ៗ​ទឹក​ស្រក់​ស្រិចៗ​ ​ ​តែ​ហា​ក់នៅ​តិចជាង​ញើស​ប៉ា​ស្រក់​

​ថ្ងៃ​ខ្លះ​ក្តៅ​ខ្លាំង​ស្លាំង​ស្លេក​ដង្ហក់​ ​ជើងដៃ​កខ្វក់​មិនដែល​ត្អូញត្អែរ​។​
 

-​ជាជាង​សំណង់​ចង់​សម្រាក​ដែរ​ ​ប៉ា​ខ្លាច​ថៅកែ​គេ​ស្តីជេ​រថា​

​ឬ​កាត់​ប្រាក់​ឈ្នួល​ប៉ះពាល់​គ្រួសារ​ ​ខ្លាច​ការសិក្សា​កូន​ត្រូវ​ខើច​ខ្លី​។​
 

-​ត្រូវ​ស្លៀកពាក់​ចាស់​នាំ​ខ្មាស​គេ​ក្តី​ ​ព្រោះ​កូនប្រុស​ស្រី​ប៉ា​ហ៊ាន​លះបង់​

​កូន​កាន់តែ​ធំ​លែង​ចង់​ជិះ​កង់​ ​ ​អា​គុប​អា​សង់​កូន​ចង់​ដូច​មិត្ត​។​
 

-​កូនប្រុស​ស្រី​ប៉ា​ហ៊ឺហា​ភ្លេច​គិត​ ​ដើរលេង​ឆ្ងាយ​ជិត​បាន​ម៉ូតូ​ថ្មី​

​ធ្វើ​ឫក​បែប​ហំ​សម​កូន​សេដ្ឋី​ ​ ​ខ្លាំងក្លា​សម្តី​ប៉ា​ស្តី​លែង​ស្តាប់​។​
 

-​ប៉ា​ស្រក់​ទឹកភ្នែក​ពេល​មាន​គេ​ប្រាប់​ ​ថា​កូន​គេ​ចាប់​ព្រោះ​ប្រើ​ថ្នាំញៀន​

​ប៉ា​ធ្វើ​សំណង់​ចង់​ឲ្យ​កូន​រៀន​ ចង់ឃើញ​កូន​ឈាន​ឆ្ងាយ​ពិភព​ឪ​។
​

-​ក្មេងៗ​ដទៃ​លៃ​ដើរ​ផ្លូវត្រូវ​ ​ស្តាប់​គ្រូ​ម៉ែឪ​នាំទៅរក​ល្អ​

​កុំ​គិត​កើត​ខុស​ក្នុង​ត្រកូល​ក្រ​ ​ជំនាន់​យើង​ត​ក្រ​ទៀត​ទើប​ខុស​៕​ ​ ​