លោក សុង សារ៉ន៖ បើខ្ញុំរកស៊ីនាំចេញអង្ករដូចតែពេលមុន ខ្ញុំបរាជ័យបាត់ហើយ!

ជាតិ

បទយកការណ៍ / បទសម្ភាសន៍

សេដ្ឋកិច្ច

លោក សុង សារ៉ន៖ បើខ្ញុំរកស៊ីនាំចេញអង្ករដូចតែពេលមុន ខ្ញុំបរាជ័យបាត់ហើយ!

13, Oct 2018 , 10:33 am

រូបភាព

ដោយ:

ភ្នំពេញ៖ លោក សុង សារ៉ន ដែលជាសហគ្រិនជោគជ័យមួយក្នុងវិស័យកសិកម្ម បានចែករម្លែកថា ធុរកិច្ចក្នុងវិស័យកសិកម្ម គឺពិបាក ប៉ុន្តែបើគេព្យាយាមធ្វើឲ្យផលិតផលរបស់ខ្លួន មានភាពប្រកួតប្រជែងខ្ពស់ នោះឱកាសជោគជ័យនឹងកើតមាន។ អគ្គនាយកក្រុមហ៊ុន Amru Rice រូបនេះ លើកឡើងថា រកស៊ីក្នុងវិស័យកសិកម្ម សហគ្រិនត្រូវព្យាយាមស្វែងយល់ពីទីផ្សារបញ្ជាទិញ និងកែច្នៃផលិតផលរបស់ខ្លួនឲ្យពិសេសជាងគេ និងសម្បូរបែប។ បើធ្វើផលិតផលធម្មតាៗដូចគេ នឹងជួបការប្រកួតប្រជែងច្រើន ពិសេសពិបាកទប់ទល់នឹងក្រុមហ៊ុនធំៗ ដែលនឹងឈានដល់ការបិទអាជីវកម្ម។

អត្ថបទទាក់ទង

លោក សុង សារ៉ន៖ អ្នកមាន និងយុវជន គួរងាកមកវិនិយោគវិស័យកសិកម្ម

កសិកម្មតាមកិច្ចសន្យា ជួយកសិករគេចផុតពីគំនាបតម្លៃរបស់ប្រទេសជិតខាង និងពួកឱកាសនិយម

សូមស្ដាប់បទសម្ភាសរវាងលោក ញ៉ុង ហេង នៃសារព័ត៌មានថ្មីៗ និងលោក សុង សារ៉ន អគ្គនាយកក្រុមហ៊ុន Amru Rice ដូចតទៅនេះ៖

Amru rice បង្កើតឡើងនៅឆ្នាំ២០១១ ដែលពេលនោះជាក្រុមហ៊ុននាំចេញអង្ករ ដូចគេផ្សេងៗដែរ ដែលជួបការប្រកួតប្រជែងច្រើន។ លុះដល់ឆ្នាំ២០១៤ Amru ចាប់ផ្ដើមផលិតអង្ករសរីរាង្គ តែមិនជោគជ័យនោះទេ។ តែក្រោយពីភាពបរាជ័យរបស់ខ្លួន Amru បានបោះជំហានទៅមុខទៀត តាមរយៈការសិក្សាពីទីផ្សារ និងបណ្ដុះបណ្ដាលកសិករឲ្យផលិតស្របតាមទីផ្សារ ព្រមទាំងបោះទុនវិនិយោគហេដ្ឋារចនាសម្ព័ន្ធបន្ថែម។ ក្រមហ៊ុននេះ សព្វថ្ងៃ កំពុងតែនាំមុខ និងជាគំរូក្នុងការធ្វើកិច្ចសន្យាកសិកកម្ម ដែលជាយន្តការមួយលើកស្ទួយកសិករ និងផលិតផលក្នុងស្រុក៕