ជាតិ
តើក្រុមហ៊ុនអាកាសចរណ៍ត្រូវធ្វើអ្វីបើមានមនុស្សទទួលមរណភាពលើយន្តហោះ?
×
ដោយ គី ចំណារ
ករណីមានមនុស្សស្លាប់ ឬធ្លាក់ខ្លួនឈឺធ្ងន់ពេលកំពុងធ្វើដំណើរតាមយន្តហោះជារឿងកម្រកើតឡើង ប៉ុន្តែមិនមានន័យថា វាមិនកើតឡើងសោះឡើយ។ នៅពេលបញ្ហាបែបនេះកើតឡើង ក្រុមហ៊ុនអាកាសចរណ៍មានមានបន្ទុកជួយដោះស្រាយ។
ថ្វីបើបញ្ហាធ្ងន់ធ្របែបនេះកើតឡើងម្តងម្កាលក្តី ក៏ក្រុមហ៊ុនអាកាសចរណ៍នានាមិនហ៊ានមើលរំលងដែរ។
បើតាមកាសែត The Sun របស់អង់គ្លេស បើមានបញ្ហាកើតឡើងជាពិសេសអ្នកឈឺធ្ងន់ អ្នកធ្វើការក្នុងយន្តហោះតែងមានឧបករណ៍ឆក់បេះដូងសម្រាប់ជួយសង្គ្រោះជីវិតជានិច្ច។
ប៉ុន្តែបើមានអ្នកដំណើរណាម្នាក់ត្រូវការការជួយសង្គ្រោះបន្ទាន់ពីសំណាក់ក្រុមគ្រូពេទ្យបច្ចេកទេស នោះយន្តហោះអាចចុះចតនៅព្រលានដែលជិតជាងគេ។
បើអ្នកដំណើរពិតជាស្លាប់ពិតមែននោះ ក្រុមអ្នកធ្វើការលើយន្តហោះអាចយកភួយឬក្រណាត់ណាមួយមកគ្របលើខ្លួនប្រាណនិងមុខប៉ុណ្ណោះហើយអាចលើកសពនោះដាក់នៅកៅអីណាដែលទំនេររហូតដល់កន្លែងដែលយន្តហោះចុះចត។
ក្នុងយន្តហោះខ្លះទៀត គេអាចមានប្រអប់មួយទំហំប៉ុនមនុស្សពេញវ័យដែលអាចដាក់សាកសពបានបើករណីនេះកើតឡើង៕
© រក្សាសិទ្ធិដោយ thmeythmey.com