កម្ពុជា ផលិត និងផ្តល់លិខិតឆ្លងដែនជាង១,៤លាន ក្នុងរយៈពេល៥ឆ្នាំ

ជាតិ

សង្គមជាតិ

កម្ពុជា ផលិត និងផ្តល់លិខិតឆ្លងដែនជាង១,៤លាន ក្នុងរយៈពេល៥ឆ្នាំ

21, Oct 2018 , 9:59 pm

រូបភាព

ដោយ:

ក្នុងរយៈពេល៥ឆ្នាំ លិខិតឆ្លងដែនកម្ពុជាជាង១លាន៤សែនក្បាល ត្រូវបានផលិតនិងផ្តល់ឲ្យប្រជាពលរដ្ឋ។ តួលេខអំពីលិខិតឆ្លងដែននេះ ត្រូវបានបង្ហាញក្នុងរបាយការណ៍របស់ក្រសួងមហាផ្ទៃ។

កាលពីថ្ងៃទី១៨ ខែតុលា ឆ្នាំ២០១៨ ក្រសួងមហាផ្ទៃ បានបើកិច្ចប្រជុំមួយ ដើម្បីបូកសរុបពីលទ្ធផលការងារពីឆ្នាំ២០១៣ ដល់ឆ្នាំ២០១៧។ យោងតាមរបាយការណ៍ ដែលត្រូវបានផ្សព្វផ្សាយក្នុងកិច្ចប្រជុំនោះ នៅមានលិខិតធ្វើដំណើរជាង៥ម៉ឺន៤ពាន់ក្បាលទៀត សម្រាប់ពលករកម្ពុជាធ្វើការនៅក្រៅប្រទេស ក៏ត្រូវបានផលិតនិងផ្តល់ជូនប្រជាពលរដ្ឋផងដែរ ក្នុងរយៈពេល៥ឆ្នាំនេះ។

ចំណែក អត្តសញ្ញាណបណ្ណសញ្ជាតិខ្មែរ មានជាង៩លាន៧សែនសន្លឹក ដែលត្រូវបានផលិតឡើង។ លើសពីនេះ មានប្រជាពលរដ្ឋជាង២លាន៨សែននាក់ ដែលបានចុះបញ្ជីអត្រានុកូលដ្ឋាន៕