«ការចងចាំស្មារតី២ឆ្នូ» ជាប្រធានបទក្នុងការប្រកួតតែងកំណាព្យ ដើម្បីរំលឹកគុណដល់យុវជននៃរណសិរ្ស

ជាតិ

សង្គមជាតិ

«ការចងចាំស្មារតី២ឆ្នូ» ជាប្រធានបទក្នុងការប្រកួតតែងកំណាព្យ ដើម្បីរំលឹកគុណដល់យុវជននៃរណសិរ្ស

24, Oct 2018 , 12:41 pm

រូបភាព

ដោយ: ថ្មីៗ

ភ្នំពេញ៖ ដើម្បីអបអរសាទរខួបលើកទី៤០ នៃរណសិរ្សសាមគ្គីអភិវឌ្ឍមាតុភូមិកម្ពុជា ខាងមុខនេះ សារមន្ទីរទួលស្លែង បានប្រកាសជ្រើសរើសបេក្ខជនប្រឡង ដើម្បីប្រកួតតែងកំណាព្យស្តីពី «ការចងចាំស្មារតី២ឆ្នូ»។ គោលបំណងនៃការបង្កើតកម្មវិធីប្រកួតតែងកំណាព្យនេះ សារមន្ទីរទួលស្លែង ចង់បង្ហាញពីការដឹងគុណចំពោះយុវជនស្នេហាជាតិ ដែលបានពលីជីវិតដើម្បីបុព្វហេតុសង្គ្រោះជាតិពីរបបកម្ពុជាប្រជាធិបតេយ្យ។

គោលបំណងដ៏ធំទៀតសោត នៃការបង្កើតកម្មវិធីប្រកួតនេះ សារមន្ទីរទួលស្លែង ចង់ជំរុញឲ្យយុវជនជំនាញក្រោយស្វែងយល់ពីកំណើតរណសិរ្ស និងរំលឹកខួបលើកទី៤០ឆ្នាំ ចំពោះយុវជនដែលបានពលីដើម្បីសង្គ្រោះជាតិពីសម័យប៉ុលពត ជាពិសេសទៅទៀតនោះ ចូលរួមលើកស្ទួយវិស័យអក្សរសាស្ត្រខ្មែរផ្នែកតែងកំណាព្យផងដែរ។

លក្ខខណ្ឌសម្រាប់បេក្ខជនប្រឡង ត្រូវតែមានអាយុចាប់ពី១៦ឆ្នាំ ទៅ៣៣ឆ្នាំ មានឆន្ទៈក្នុងការឈ្វេងយល់ពីប្រវត្តិសាស្ត្រ និងផ្សព្វផ្សាយពី ស្មារតី២ឆ្នូ។ បេក្ខជនត្រូវតែងកំណាព្យដែលជាស្នាដៃថ្មី ដែលមិនមានការផ្សាយពីមុន និងដាក់អត្ថបទកំណាព្យរបស់ខ្លួនឲ្យបានមុនថ្ងៃទី១២ ខែវិច្ឆិកា ឆ្នាំ២០១៨។

លទ្ធផលនឹងប្រកាសនៅថ្ងៃទី៣០ ខែវិច្ឆិកា សម្រាប់បេក្ខជនដែលជាប់ជ័យលោភីលេខ១ នឹងទទួលបានថវិកាចំនួន២លានរៀល លេខ២ ចំនួន១លាន៦សែនរៀល លេខ៣ ចំនួន១លាន២សែនរៀល លេខ៤ ចំនួន៨សែនរៀល និងលេខ៥ ចំនួន៤សែនរៀល។

សម្រាប់ព័ត៌មានបន្ថែមសូមទាក់ទងតាមអ៊ីម៉ែល