ONE Championship
កីឡាជាតិ
ជាតិ
សហព័ន្ធកីឡាយុទ្ធគុនចម្រុះកម្ពុជា បង្ហាញផែនការធំៗគួរឲ្យភ្ញាក់ផ្អើល
×![]()
ដោយ: ថ្មីៗ
ក្បាច់គុនចម្រុះបានបោះជំហានដើរទៅមុខដ៏មិនគួរឲ្យជឿ បន្ទាប់ពីសហព័ន្ធកីឡាយុទ្ធគុនចម្រុះកម្ពុជាបានចាប់ផ្តើមទទួលស្គាល់ជាផ្លូវការ។ សមិទ្ធផលទាំងអស់នេះ កើតមានឡើងដោយមានការរួមចំណែកពីសំណាក់ ស្ថាបនិកក្រុម Cambodian Top Team ផងដែរ។ នេះបើតាមការលើកឡើងពីថ្នាក់ដឹកនាំសំខាន់ៗ នៅក្នុងកិច្ចប្រជុំមហាសន្និបាតលើកទីមួយរបស់សហព័ន្ធដែលរៀបចំឡើងនៅទីស្នាក់ការគណៈកម្មាធិការជាតិអូឡាំពិក នៅថ្ងៃទី ២៣ ខែតុលា។
ស្ថាបនិកក្រុម Cambodian Top Team លោក ហ៊ុន ចាន់រាជ បានចូលរួមជាចំណែកដ៏សំខាន់នៃដំណើរការនេះអស់រយៈពេលជាច្រើនឆ្នាំមកហើយ ដោយគេសម្គាល់ឃើញថា លោកមានការខិតខំប្រឹងប្រែងខ្លាំងដើម្បីធ្វើអោយកីឡាក្បាច់គុននៅ កម្ពុជាបានល្បីសុះសាយ។
បច្ចុប្បន្ន លោក ចាន់រាជ ទទួលបានអាសនៈជាអគ្គលេខាធិការនៃសហព័ន្ធកីឡាយុទ្ធគុនចម្រុះកម្ពុជា។ ក្រោយទទួលបានតំណែងនេះ លោកបានបង្ហាញអារម្មណ៍រំភើប និងមានសង្ឃឹមខ្ពល់ទៅលើអនាគតកីឡាករនៅក្នុងប្រទេសកម្ពុជា។
«នេះជាជំហានមួយឆ្ពោះទៅរកការអភិវឌ្ឍកីឡាឲ្យមានលក្ខណៈត្រឹមត្រូវ។ យើងមានកីឡាករជាច្រើន ប៉ុន្តែមិនមានខ្សែបណ្តាញណាសម្រាប់ពួកគាត់បង្ហាញទេពកោសល្យសមត្ថភាពរបស់គាត់សោះ»។ «តែឥឡូវយើងចង់បន្ថែមមួយជំហានទៀត ដោយបង្កើតជាសហព័ន្ធសិល្បៈយុទ្ធគុនចម្រុះដើម្បីជួយជ្រំជ្រែងដល់ក្លិបហ្វឹកហាត់គុនចម្រុះទាំងអស់នៅកម្ពុជា»។នេះការលើកឡើងរបស់ស្ថាបនិកក្រុម Cambodian Top Team ។
ដោយឡែក លោកអនុប្រធាន កែបិន សូរស្មី បានមានប្រសាសន៍អំពីសារៈសំខាន់នៃការប្រឹងប្រែងរួមគ្នារបស់ប្រទេសមួយ។លោកលើកឡើងថា៖ « អ្វីដែលត្រូវធ្វើដំបូង គឺវាយតម្លៃស្ថានភាពមុនសិនថា តើមានក្លិបប៉ុន្មានដែលយើងអាចទុកចិត្តបាន ហើយមានកីឡាករប៉ុន្មាននាក់នៅក្នុងប្រទេសនិងនៅក្រៅប្រទេស ។យើងត្រូវតែប្រមូលផ្តុំកំលាំងអោយអស់ដើម្បីខិតខំលើកទង់ជាតិកម្ពុជារបស់យើងអោយខ្ពស់ជាងមុនលើឆាកសិល្បៈក្បាច់គុនចម្រុះរបស់យើង។ មានរឿងច្រើនដែលយើងបានឆ្លងកាត់រួចមកហើយ ប៉ុន្តែទាំងអស់គ្នាអាចធ្វើបាន។ យើងនឹងធ្វើហើយធ្វើឲ្យកាន់តែល្អ»។
លោក សូរស្មី បានលើកឡើងទៀតថា៖« តាំងពីប្រវត្ដិសាស្ដ្រមក ប្រទេសកម្ពុជាមានសង្គ្រាមជាច្រើនហូហែ ដូច្នោះប្រជាជនខ្មែរយើងក៏បានបង្កើតក្បាច់គុនធំៗ និងមានបែបបទច្រើនខុសៗគ្នា។ សិល្បៈក្បាច់គុនចម្រុះគឺជាទំរង់ក្បាច់មួយដ៏អស្ចារ្យដែលបង្ហាញពីប្រពៃណីនៃក្បាច់ទាំងនោះ»។
ចាប់ពីពេលនេះទៅ កីឡាករប្រដាល់ក្នុងស្រុកនឹងមានគ្រឹះដ៏រឹងមាំមួយ ហើយសហព័ន្ធមានភាពជឿជាក់យ៉ាងមុតមាំថាអនាគតរបស់កីឡាករយើងនឹងមានភាពភ្លឺស្វាងនិងរីកចម្រើនជាគ្រិះសម្រាប់ក្បាច់គុនចម្រុះទៅថ្ងៃអនាគត។
លោក សូរស្មី បន្ថែមទៀតថា៖ «យើងចង់ឲ្យកីឡាករក្បាច់គុនចម្រុះជំនាន់មុននិងជំនាន់ក្រោយ ទទួលបានភាពងាយស្រួលជាងមុន ហើយដូច្នោះគាត់នឹងអាចហ្វឹកហាត់បានល្អត្រឹមត្រូវតាមក្បួនខ្នាត។ឥឡូវហ្នឹងយើងនៅតូចហើយក្មេងណាស់ មិនគួរប្រកួតប្រជែង ឬប្រយុទ្ធគ្នាឡើយ។ មានតែត្រូវសាមគ្គីគ្នា និងត្រូវតែរួមគ្នាដើម្បីកសាងសិល្បៈកីឡានេះឲ្យបានជោគជ័យត្រឹមត្រូវ»៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
