ជាតិ
កិច្ចប្រជុំថ្នាក់តំបន់អាស៊ានត្រាប់កម្ពុជា ២០១៨ បើកទទួលពាក្យសម្រាប់និស្សិតចង់ចូលរួម
×![]()
ដោយ: ថ្មីៗ
កម្មវិធី «កិច្ចប្រជុំថ្នាក់តំបន់អាស៊ានត្រាប់កម្ពុជា ឬជាភាសាអង់គ្លេសហៅថា Cambodia National Model ASEAN Meeting (CNMAM)»ថ្នាក់ជាតិលើកដំបូងនឹងត្រូវរៀបចំឡើងនៅពាក់កណ្តាលខែធ្នូខាងមុខ។ កម្មវិធីនេះនឹងផ្តល់ឱកាសឲ្យនិស្សិតពង្រីកចំណេះដឹងទាក់ទំនងនឹងអាស៊ាន និងពង្រឹងសមត្ថភាពចរចា និងតស៊ូមតិលើបញ្ហាគោលនយោបាយរបស់អាស៊ានផងដែរ។
បណ្ណាល័យ American Corner នៃសាកលវិទ្យាល័យបញ្ញាសាស្ត្រ និងសម្ព័ន្ធនៃកិច្ចការទំនាក់ទំនងអន្តរជាតិ ( League of International Relations Affairs) នឹងសហការគ្នារៀបចំកិច្ចប្រជុំអាស៊ានត្រាប់នៅកម្ពុជាចាប់ពីថ្ងៃ ១៤ ដល់ថ្ងៃ ១៦ធ្នូខាងមុខនេះ។
កម្មវិធីសិក្សាបែបអនុវត្តដោយត្រាប់ជាក់ស្ដែង «កិច្ចប្រជុំថ្នាក់តំបន់អាស៊ានត្រាប់កម្ពុជា» លើកដំបូងនេះនឹងផ្ដល់ឱកាសឱ្យនិស្សិតកម្ពុជាអាចចូលរួមបញ្ចេញសមត្ថភាពរបស់ខ្លួនក្នុងការជជែកដេញដោល និងតស៊ូមតិបែបការទូតផងដែរ។
កម្មវិធីនេះនឹងអនុញ្ញាតឲ្យនិស្សិតអាចផ្តោតលើបញ្ហាគោលនយោបាយ និងការពារផលប្រយោជន៍ជាតិរបស់ខ្លួន ក៏ដូចជាស្វែងយល់ពីការកសាងសុខដុមរមនីយកម្ម សន្តិភាព និរន្តរភាព និងការអភិវឌ្ឍប្រកបដោយចីរភាពក្នុងថ្នាក់តំបន់។ លើសពីនេះទៅទៀត ពួកគេក៏អាចពង្រីក និងពង្រឹងសក្កានុពលចំណេះដឹងអំពីអាស៊ានឲ្យកាន់តែស៊ីជម្រៅជាមុនផងដែរ ។
តាមពិតទៅកម្មវិធី «កិច្ចប្រជុំថ្នាក់តំបន់អាស៊ានត្រាប់កម្ពុជា»នេះដែរ ត្រូវបានផ្តួចផ្តើមស្ថាបនិកវ័យក្មេងប្រកបដោយបទពិសោធន៍ និងចំណេះដឹងអំពីអាស៊ាន និងជាអតីតបេក្ខជនចូលរួមកម្មវិធីកិច្ចប្រជុំថ្នាក់តំបន់អាស៊ាននៃមូលនិធិអាស៊ាន (AFMAM) នៅប្រទេសសិង្ហបុរី ឆ្នាំ២០១៨ ផងដែរ។
សូមជម្រាបផងដែរថា «កិច្ចប្រជុំថ្នាក់តំបន់អាស៊ានត្រាប់ថ្នាក់ជាតិ» លើកដំបូងនេះនឹងប្រើប្រាស់ភាសាអង់គ្លេស ហើយរាល់បេក្ខជនបេក្ខនារីជានិស្សិតដែលចាប់អារម្មណ៍ អាចដាក់ពាក្យនិងចុះឈ្មោះចូលរួមក្នុងកម្មវិធីនេះរហូតដល់ថ្ងៃទី៣១ ខែតុលា ឆ្នាំ២០១៨ ៕
ចុះឈ្មោះតាមតំណរនេះ៖ CNMAM
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
