ជាតិ
នយោបាយជាតិ
២៩តុលា លោកស្រី ស្មីត នឹងមកដល់កម្ពុជា លោកស្រី រ៉ូណា ស្មីត ជួបសម្តេច ហ៊ុន សែន នៅវិមានសន្តិភាព កាលពីឆ្នាំ២០១៥។ រូបពី AFP
× ភ្នំពេញ៖ លោកស្រី រ៉ូណា ស្មីត អ្នករាយការណ៍ពិសេសនៃអង្គការសហប្រជាជាតិ ទទួលបន្ទុកផ្នែកសិទ្ធិមនុស្សនៅកម្ពុជា នឹងមកបំពេញទស្សនកិច្ចនៅកម្ពុជា រយៈពេល១១ថ្ងៃ គឺចាប់ពីថ្ងៃទី២៩ ខែតុលា ដល់ថ្ងៃទី៨ ខែវិច្ឆិកា ឆ្នាំ២0១៨។ នេះបើតាមសេចក្តីជូនដំណឹងរបស់ការិយាល័យឧត្តមស្នងការផ្នែកសិទ្ធិមនុស្សនៃអង្គការសហប្រជាជាតិ។
សេចក្តីជូនដំណឹង បានឲ្យដឹងទៀតថា ក្នុងអំឡុងនៃការបំពេញទស្សនកិច្ចនៅកម្ពុជា លោកស្រី រ៉ូណា ស្មីត នឹងមានជំនួបជាមួយភាគីនានា ដូចជាសមាជិកជាន់ខ្ពស់នៃរដ្ឋាភិបាល និងតំណាងសង្គមស៊ីវិល ជាដើម។ បើតាមប្រភពខាងលើ ពេលបញ្ចប់ដំណើរទស្សនកិច្ច លោកស្រី នឹងធ្វើសន្និសីតកាសែតមួយ ដើម្បីបង្ហាញពីរបកគំហើញរបស់លោកស្រី នៅក្នុងប្រទេសកម្ពុជា។
សូមបញ្ជាក់ថា នេះជាលើកទី៥ហើយ នៃដំណើរទស្សនកិច្ចរបស់លោកស្រី រ៉ូណា ស្មីត មកកាន់កម្ពុជា។ លោកស្រី ត្រូវបានក្រុមប្រឹក្សាសិទ្ធិមនុស្សនៃអង្គការសហប្រជាជាតិ តែងតាំងជាអ្នករាយការណ៍ពិសេសស្តីពីសិទ្ធិមនុស្សកម្ពុជា កាលពីខែមិនា ឆ្នាំ២0១៥៕
© រក្សាសិទ្ធិដោយ thmeythmey.com