Leicester ប្រកាសផ្លូវការពីមរណភាពរបស់ម្ចាស់ក្លិប និងមនុស្ស៤នាក់ទៀតក្នុងគ្រោះថ្នាក់ធ្លាក់ឧទ្ធម្ភាគចក្រ

កីឡាអន្តរជាតិ

អន្តរជាតិ

Leicester ប្រកាសផ្លូវការពីមរណភាពរបស់ម្ចាស់ក្លិប និងមនុស្ស៤នាក់ទៀតក្នុងគ្រោះថ្នាក់ធ្លាក់ឧទ្ធម្ភាគចក្រ

29, Oct 2018 , 8:03 am

រូបភាព

លោក Vichai Srivaddhanaprabha មហាសេដ្ឋីជនជាតិថៃ និងជាម្ចាស់ក្លិប Leicester City ដែលបានបាត់បង់ជីវិតក្នុងគ្រោះធ្លាក់ឧទ្ធម្ភាគចក្រក្បែរកីឡដ្ឋាន King Power

ដោយ: ថ្មីៗ

ក្លិប Leicester City នាថ្ងៃចន្ទ ទី២៩ ខែតុលា នេះ បានអះអាងថា ប្រធានក្លិបជនជាតិថៃរបស់ខ្លួន លោក Vichai Srivaddhanaprabha ស្ថិតក្នុងចំណោមមនុស្ស៥នាក់ដែលបានបាត់បង់ជីវិតក្នុងគ្រោះថ្នាក់ធ្លាក់ឧទ្ធម្ភាគចក្រក្បែរកីឡដ្ឋាន King Power Stadium ក្រោយជំនួបជាមួយ West Ham កាលពីល្ងាចថ្ងៃសៅរ៍។

អត្ថបទទាក់ទង
ឧទ្ធម្ភាគចក្រមួយរបស់ក្លិប Leicester ធ្លាក់ក្បែរកីឡដ្ឋានក្រោយចប់ការប្រកួតជាមួយ West Ham

ដោយចាត់ទុកលោក Vichai ជាមនុស្សដ៏អស្ចារ្យ ជាបុគ្គលសប្បុរស និងពោរពេញទៅដោយក្តីស្រឡាញ់ ក្លិប Leicester នឹងបើកឱកាសដល់ក្រុមអ្នកគាំទ្រចូលសរសេរសាររំលែកទុក្ខនៅកីឡដ្ឋាន King Power Stadium ផ្ទាល់នាថ្ងៃទី៣០ ខែតុលា ឬតាមរយៈអនឡាញ lcfc.com ។

ការប្រកួតជាមួយ Southampton នាថ្ងៃអង្គារ ក្នុងពានរង្វាន់ EFL Cup និងជំនួបក្រុមយុវជនជាមួយ Feyenoord ក៏ត្រូវពន្យាពេលផងដែរ។

ជនរងគ្រោះ៤នាក់ទៀត មាន បុគ្គលិករបស់លោក Vichai ផ្ទាល់ឈ្មោះ Nursara Suknamai និង Kaveporn Punpare ពីឡុតឈ្មោះ Eric Swaffer និង អ្នកអមដំណើរជនជាតិប៉ូឡូញ Izabela Roza Lechowicz៕