អត្ថបទពាណិជ្ជកម្ម
×![]()
ដោយ: ថ្មីៗ
ភ្នំពេញ៖ ប្រទេសកម្ពុជាបាននាំចូលកាហ្វេ និង«តែ»យ៉ាងច្រើនជារៀងរាល់ឆ្នាំ។ ប៉ុន្តែ ប្រទេសមួយនេះក៏បានដាំដើមកាហេ្វ ហើយផលិតចេញជាកាហ្វេបានដែរ។ ដូចគ្នាដែរសម្រាប់ផលិតផល «តែ»។ ក្រុមហ៊ុន Confirel ជំនាញខាងផលិត ផលិតផលខ្មែរចេញពីដើមត្នោត បានផលិត ផលិតផលថ្មីមួយទៀត គឺផលិតផល«តែ»។
រហូតមកដល់ពេលនេះ ក្រុមហ៊ុន Confirel បានផលិត ផលិតផលកសិកម្មជាច្រើន មុខដូចជា «តែ»កញ្ចុំផ្កាម្រេច ស្រាទឹកត្នោត ម្រេចកំពត ស្ករតោ្នតកំពង់ស្ពឺ។ល។ ផលិតផលកសិកម្មនៃក្រុមហ៊ុន Confirel ទាំងអស់ទទួលបានការគាំទ្រ និងទទួលស្គាល់គុណភាពពីមន្ទីពិសោធន៍អឺរ៉ុប។ មិនត្រឹមតែប៉ុណ្ណោះ ក្រុមហ៊ុនកសិកម្មមួយនេះ បាន និងកំពុងត្រៀមនាំចេញផ្លែស្វាយខ្មែរទៅកាន់ទីផ្សារអឺរ៉ុបនាពេលខាងមុខនេះ។
ក្នុងន័យចូលរួមលើកកម្ពស់តម្លាភាព សុចរិតភាព និងកាត់បន្ថយព័ត៌មានក្លែងបន្លំនោះ ក្រុមហ៊ុន Confirel បានចូលរួមសហការឧបត្ថម្ភនៅក្នុងសិក្ខាសាលាស្តីអំពី«ការប្រឆាំងព័ត៌មានក្លែងបន្លំសម្រាប់អ្នកសារព័ត៌មាននៅកម្ពុជា»ដែលបានប្រារព្ធធ្វើឡើងកាលពីថ្ងៃទី២៥ខែតុលាកន្លងមក។
សិក្ខាសាលានេះ ឧបត្ថម្ភដោយស្ថានទូតអាមេរិកប្រចាំកម្ពុជា។ សិក្ខាសាលាដដែល មានការអញ្ជើញចូលរួមពី លោក Michael NEWBILL អនុប្រធានបេសកកម្មស្ថានទូតសហរដ្ឋអាមេរិកប្រចាំកម្ពុជា, លោក មាស សុភ័ណ្ឌ អនុរដ្ឋលេខាធិការក្រសួងព័ត៌មាន, លោក លាង ដឺលុច អគ្គនាយកសារព័ត៌មានថ្មីៗ និងអ្នកសារព័ត៌មានជាតិ និងអន្តរជាតិ ព្រមទាំងសិស្សនិស្សិតដែលកំពុងសិក្សាផ្នែកសារព័ត៌មានផងដែរ៕
(អត្ថបទពាណិជ្ជកម្ម)
Tag:
Confirel
© រក្សាសិទ្ធិដោយ thmeythmey.com
