ក្រុមរហូតដល់ទៅ៣នៅក្នុងក្របខណ្ឌ Premier League គឺមេឃខៀវ Manchester City តោខៀវ Chelsea និងហង្សក្រហម Liverpool បានឈានដល់សប្តាហ៍ទី១០ ដោយរក្សាកំណត់ត្រា មិនទាន់ស្គាល់ចាញ់ នារដូវកាលថ្មីនេះ។
ម្ចាស់ជើងឯក Manchester City បានឡើងទៅកាន់កំពូលតារាងវិញ ក្រោយឈ្នះ Tottenham Hotspurs ១-០ នៅទឹកដី Wembley។ នាជំនួប១០លើកកន្លងមក មេឃខៀវ ឈ្នះ៨លើក និងស្មើពីរលើកជាមួយ Liverpool និង Wolverhampton Wanderers។
Liverpool ក៏មាន២៦ពិន្ទុស្មើ Man City ផងដែរ ដោយគ្រាន់តែហង្សក្រហម ចាញ់ចំនួនគ្រាប់បាល់ដែលបានស៊ុតបញ្ចូលទី។ ជើងឯករងក្របខណ្ឌ Champions League មួយនេះ ឈ្នះ៨លើក និងស្មើពីរលើក ជាមួយ Man City និង Chelsea។
ងាកទៅ Chelsea ដែលជាម្ចាស់ពាន FA Cup ឯណោះវិញ ពួកគេក៏ទាន់ស្គាល់បរាជ័យនោះដែរ ក្រោយការបើករដូវកាលថ្មី ដោយ ឈ្នះ៧លើក និងស្មើ៣លើក។ លទ្ធផលស្មើ កើតឡើងក្នុងជំនួបជាមួយ Liverpool, Manchester United និង West Ham United៕