Man Utd រកឃើញកាំភ្លើងជ័រ២ដើមក្នុងកាបូបអ្នកដែលរត់ចូលទីលានសំដៅទៅ Ronaldo

កីឡាអន្តរជាតិ

អន្តរជាតិ

Man Utd រកឃើញកាំភ្លើងជ័រ២ដើមក្នុងកាបូបអ្នកដែលរត់ចូលទីលានសំដៅទៅ Ronaldo

02, Nov 2018 , 9:59 pm

រូបភាព

ដោយ: ទេព ពិទូរ្យ

ក្លិប Manchester United នឹងពិនិត្យមើលឡើងវិញនូវសកម្មភាពសន្តិសុខនៅទឹកដី Old Trafford ក្រោយពីរកឃើញថាអ្នកដែលរត់ចូលតារាងដើម្បីជួប Cristiano Ronaldo នាអំឡុងការប្រកួត Champions League ទល់នឹងក្រុម Juventus បានយកកាំភ្លើងជ័រ២ដើមដាក់ក្នុងកាបូបចូលទៅក្នុងកីឡដ្ឋាន។

អត្ថបទទាក់ទង

UEFA នឹងពិន័យក្លិប Man Utd ដោយសារករណីអ្នកគាំទ្ររត់សំដៅទៅ Ronaldo ក្នុងទីលាន

នៅក្រោយការប្រកួតដែល Juventus យកឈ្នះ Man Ut ១-០ កាលពីថ្ងៃទី២៣ ខែតុលាកន្លងទៅ BBC បានដកស្រង់សម្តីអ្នកនាំពាក្យរបស់ក្លិបបិសាចក្រហម ថាការបណ្តោយឲ្យអ្នកគាំទ្រអាចយកកាំភ្លើងក្មេងលេងចូលទៅក្នុងកីឡដ្ឋានគឺជាការមិនទទួលខុសត្រូវ។ សំណាងល្អហើយដែលសកម្មភាពរបស់អ្នករត់ចូលទីលាននាការប្រកួតនោះមិនបានបង្កគ្រោះថ្នាក់ដល់នរណាម្នាក់។

«ទោះជាយ៉ាងណាក៏ដោយសន្តិសុខ និងសុវត្ថិភាពរបស់អ្នកគាំទ្រ និងបុគ្គលិកទាំងអស់គឺជាអាទិភាពចម្បងដាច់ខាតនៅ Man Utd។ ក្លិបបានចាប់ផ្តើមការស៊ើបអង្កេតមួយដែលរួមបញ្ចូលទាំងការពិនិត្យឡើងវិញយ៉ាងម៉ត់ចត់នៃរបៀបធ្វើការរបស់សន្តិសុខដែលមានការធ្វេសប្រហែស»។ អ្នកនាំពាក្យខាងលើបន្ថែមដូច្នេះ។

ក្រៅបញ្ហាកាំភ្លើងជ័រ អង្គភាពគ្រប់គ្រងកីឡាបាល់ទាត់ទ្វីបអឺរ៉ុប UEFA បានចោទប្រកាន់ក្លិប Man United ចំពោះករណីអ្នកគាំទ្ររត់ចូលទីលានអំឡុងនៅទឹកដី Old Trafford នោះផងដែរ។ ការដាក់ពិន័យយ៉ាងនឹងត្រូវសម្រេចនៅថ្ងៃទី២២ ខែវិច្ឆិាកាខាងមុខ។

កាលពីឆ្នាំ ២០១៦ ក្លិបដែលមានមូលដ្ឋានក្នុងក្រុង Manchester នេះបានជម្លៀសមនុស្សចេញពីកីឡដ្ឋានប៉ុន្មាននាទីមុនពេលចាប់ផ្តើមការប្រកួតក្របខណ្ឌ Premier League បន្ទាប់ពីប្រទះឃើញកញ្ចប់ដែលគួរឲ្យសង្ស័យមួយ ប៉ុន្តែកញ្ចប់នោះមិនមានអ្វីនោះទេ៕