ជាតិ
សិល្បះ
ព្រឹទ្ធាចារ្យចាប៉ីដងវែងភិរម្យ ប្រាជ្ញ ឈួន កំពុងសម្រាកព្យាបាលនៅកាល់ម៉ែត្រ
×![]()
ដោយ: ប៉ូ សាគុន
ស្ថានភាពជំងឺរបស់ព្រឹទ្ធាចារ្យចាប៉ីដងវែងភិរម្យ ប្រាជ្ញ ឈួន កំពុងដុនដាប ដោយកាលពីថ្ងៃទី៨ ខែវិច្ឆិកា ក្រុមគ្រួសារបានសម្រេចបញ្ជូនពីមន្ទីរពេទ្យបង្អែកខេត្តតាកែវ មកព្យបាលនៅមន្ទីរពេទ្យកាល់ម៉ែត្រ រាជធានីភ្នំពេញ។
លោក ប្រាជ្ញ ឆាត ដែលជាកូនប្រុសរបស់ព្រឹទ្ធាចារ្យ ប្រាជ្ញ ឈួន បានប្រាប់សារព័ត៌មាន ThmeyThmey ថា ឪពុករបស់ខ្លួនមានបញ្ហាជំងឺសួត និងបញ្ហាឡើងកម្រិតឈាមក្រហមលើសឈាមស ប៉ុន្តែរង់ចាំមើលលទ្ធផលពិនិត្យសិន។
លោក ប្រាជ្ញ ឆាត បានបន្ថែមថា ព្រឹទ្ធភិរម្យ ប្រាជ្ញ ឈួន មានស្ថានភាពជំងឺរ៉ាំរៃ ដូចជាលើសឈាម បញ្ហាតម្រងនោម បេះដូង និងសួត ជាង១០ឆ្នាំហើយ។ កាលពីថ្ងៃទី៥ ខែវិច្ឆិកា ស្ថានភាពជំងឺគាត់ធ្វើទុក្ខខ្លាំង ដែលធ្វើឲ្យគ្រួសារសម្រេចចិត្តបញ្ជូនគាត់ទៅព្យាបាលនៅមន្ទីរពេទ្យបង្អែកខេត្តតាកែវ មុននឹងបញ្ជូនបន្តមកកាល់ម៉ែត្រ នាថ្ងៃទី៨ ខែវិច្ឆិកា។
ទោះបីជាយ៉ាងណាក៏ដោយ ក្រុមគ្រូពេទ្យបានអះអាងថា ស្ថានភាពជំងឺគាត់អាចធូរស្បើយវិញ បន្ទាប់ពីពិនិត្យដឹងច្បាស់លាស់។
លោកព្រឹទ្ធភិរម្យ ប្រាជ្ញ ឈួន បច្ចុប្បន្នអាយុ៨២ឆ្នាំ ដែលមានលំនៅដ្ឋានអចិន្ត្រៃយ៍នៅភូមិកំណើត ភូមិត្រពាំងកក់ ឃុំខ្វាវ ស្រុកទ្រាំង ខេត្តតាកែវ បានចាប់អាជីពជាអ្នកចាប៉ី ជាង៧០ឆ្នាំមកហើយ។ លោកជាបុគ្គលដ៏អស្ចារ្យ និងជាទីគោរពរបស់ពលរដ្ឋកម្ពុជាទាំងឡាយ៕
Tag:
ប្រាជ្ញ ឈួន
© រក្សាសិទ្ធិដោយ thmeythmey.com
