ជាតិ
រយៈពេល៦ឆ្នាំ ត្រីរាជអាចទម្ងន់ចាប់ពី ១៥០ ទៅ ២០០គីឡូក្រាម ជាប់ចំណាត់ថ្នាក់ជាប្រភេទត្រីលូតលាស់លឿនជាងគេនៅក្នុងពិភពលោក
ត្រីរាជ ទម្ងន់ ២៧០គីឡូក្រាម នៅក្នុងទន្លេសាប ឆ្នាំ ២០០០។ រូបភាព៖ បណ្ឌិត ហ្សេប ហូហ្គេន ។
×![]()
គម្រោងអច្ឆរិយភាពនៃទន្លេមេគង្គ (Wonders of the Mekong) សូមណែនាំត្រីឥតស្រកាមួយប្រភេទ វារស់នៅក្នុងទន្លេសាប បឹងទន្លេសាប អាងទន្លេមេគង្គ ពិសេសនៅតាមអន្លង់ទឹកជ្រៅក្នុងទន្លេមេគង្គ នាខេត្តក្រចេះ និងខេត្តស្ទឹងត្រែង ជាប្រភេទត្រីធ្វើចរាចរផ្លាស់ទី។
ត្រីរាជ ជាប្រភេទត្រីទឹកសាប មានឈ្មោះវិទ្យាសាស្ត្រ (Pangasianodon gigas) និងឈ្មោះជាភាសាអង់គ្លេស Mekong giant catfish។ ត្រីរាជ មានដងខ្លួនអតិបរមាប្រវែង ៣០០ស.ម និងទម្ងន់អតិបរមា ៣០០គីឡូក្រាម។ ត្រីប្រភេទនេះ វាធំលូតលាស់លឿនជាងប្រភេទត្រីផ្សេងដទៃទៀត នៅក្នុងពិភពលោក ដោយរយៈពេល៦ឆ្នាំ វាអាចមានទម្ងន់ ចាប់ពី ១៥០ ទៅ ២០០គីឡូក្រាម។ ត្រីរាជ ត្រូវបានគេកត់ត្រាចូលក្នុងបញ្ជីក្រហម IUCN Red List (Critically Endangered) ក្នុងឆ្នាំ ២០១១ ជាប្រភេទត្រីរងគ្រោះជិតផុតពូជ។
បញ្ហាប្រឈមចំពោះត្រីរាជនេះ គឺការនេសាទហួសកម្រិត។ ចំពោះបញ្ហាប្រឈមទៅថ្ងៃអនាគតចំពោះត្រីប្រភេទនេះ គឺការកសាងទំនប់វារិអគ្គិសនីនៅតាមដងទន្លេមេគង្គ។ សំណង់ទំនប់វារិអគ្គិសនី ដែលអាចប៉ះពាល់ដល់ត្រីប្រភេទនេះ នៅក្នុងប្រទេសឡាវ មានដូចជា សំណង់ទំនប់វារិអគ្គិសនី ប៉ាកឡាយ ប៉ាកបេង សាយ៉ាបូរី លួងប្រាបាង ឡាតសាវ និង ដុនសាហុង។ នៅក្នុងប្រទេសកម្ពុជា មានដូចជា នៅក្នុងខេត្តស្ទឹងត្រែង និងស្រុកសំបូរ ក្នុងខេត្តក្រចេះ ។
បញ្ហាប្រឈមចំពោះត្រីរាជនេះ គឺការនេសាទហួសកម្រិត។ ចំពោះបញ្ហាប្រឈមទៅថ្ងៃអនាគតចំពោះត្រីប្រភេទនេះ គឺការកសាងទំនប់វារិអគ្គិសនីនៅតាមដងទន្លេមេគង្គ។ សំណង់ទំនប់វារិអគ្គិសនី ដែលអាចប៉ះពាល់ដល់ត្រីប្រភេទនេះ នៅក្នុងប្រទេសឡាវ មានដូចជា សំណង់ទំនប់វារិអគ្គិសនី ប៉ាកឡាយ ប៉ាកបេង សាយ៉ាបូរី លួងប្រាបាង ឡាតសាវ និង ដុនសាហុង។ នៅក្នុងប្រទេសកម្ពុជា មានដូចជា នៅក្នុងខេត្តស្ទឹងត្រែង និងស្រុកសំបូរ ក្នុងខេត្តក្រចេះ ។
© រក្សាសិទ្ធិដោយ thmeythmey.com
