ជាតិ
បុណ្យអុំទូក
ក្រសួងការងារ អនុញ្ញាតឲ្យកម្មករនិយោជិតឈប់ក្នុងថ្ងៃបុណ្យអុំទូក
× ភ្នំពេញ៖ កម្មករនិយោជិត មានសិទ្ធិឈប់សម្រាករយៈពេល៣ថ្ងៃ ក្នុងឱកាសបុណ្យអុំទូក បណ្តែតប្រទីប និង អកអំបុក សំពះព្រះខែ ដែលប្រព្រឹត្តទៅនៅថ្ងៃទី ២១ដល់២៣ ខែវិច្ចិកា ខាងមុខ។ នេះបើយោងតាមសេចក្ដីជូនដំណឹងក្រសួងការងារ និងបណ្តុះបណ្ដាលវិជ្ជាជីវៈ។
សេចក្តីជូនដំណឹង ក្រសួងការងារ បានប្រាប់ឲ្យម្ចាស់សហគ្រាសទាំងអស់ ត្រូវអនុញ្ញាតឲ្យកម្មករ និយោជិតរបស់ខ្លួន ឈប់សម្រាកដោយមានប្រាក់ឈ្នួល។ ករណីដែលសហគ្រាស មិនអាចបញ្ឈប់សកម្មភាពរបស់ខ្លួន ត្រូវសម្របសម្រួលជាមួយកម្មករនិយោជិត ដោយមានការស្ម័គ្រចិត្ត ព្រមបែងចែកពេលវេលាឲ្យបានសមស្រប។
លិខិតបន្តទៀតថា៖« កម្មករនិយោជិតដែលធ្វើការថ្ងៃឈប់ ក្នុងព្រះរាជពិធីនេះ មានសិទ្ធិទទួលប្រាក់បំណាច់ បន្ថែមដែលមានចំនួនស្មើនឹងប្រាក់ឈ្នួលថ្ងៃធ្វើការធម្មតា»៕
© រក្សាសិទ្ធិដោយ thmeythmey.com