អន្តរជាតិ
×![]()
ដោយ: ធីតា
អ្នកណាថា នៅផ្ទះមើលកូនមិនមែនជាផ្នែកមួយនៃការងារ? ការយល់បែបនេះ គឺខុសស្រឡះទាំងស្រុង ពីព្រោះថា ការមើលថែកូននៅផ្ទះ លំបាកជាងធ្វើការពេញម៉ោងទៅទៀត។ នេះជាលទ្ធផលនៃការស្ទង់មតិដែលរៀបចំដោយក្រុមហ៊ុនលក់ផលិតផលក្មេងដ៏ល្បីឈ្មោះ AVEENO Baby។
ឪពុកម្តាយ៣១ភាគរយ យល់ស្របចំពោះការលើកឡើងថា ធ្វើការងារនៅផ្ទះលំបាកជាងការងារនៅតាមស្ថាប័ន ក្រុមហ៊ុន សហគ្រាស ហើយ៥៥ភាគរយ បញ្ជាក់ថា កាន់តែលំបាកបំផុតនោះ គឺនៅផ្ទះមើលកូន ហើយ២០ភាគរយទៀត មិនលាក់បាំងទេថា មើលកូនពិតជាការងារដ៏សែនលំបាក បើទោះបីជាពួកគាត់ស្រឡាញ់កូនខ្លាំងយ៉ាងណាក៏ដោយ។
បើតាមលទ្ធផលនៃការសិក្សាថ្មីនេះ វាមិនសូវជាមានបញ្ហាចោទប៉ុន្មាននោះឡើយសម្រាប់គ្រួសារដែលមានបទពិសោធន៍ ប៉ុន្តែសម្រាប់គូស្វាមីភរិយាដែលទើបមានកូនដំបូង ជាពិសេសស្ត្រីជាម្តាយ កិច្ចការមើលកូននេះ ស្មុគ្រស្មាញជាងអ្វីៗទាំងអស់។
ជាមួយគ្នានេះ ស្វាមីភរិយាតិចតួចបំផុតដែលបានអះអាងថា ខ្លួនអាចមើលកូនដោយមិនចាំបាច់ទទួលដំបូន្មានពីម្តាយរបស់ខ្លួន។ ទោះបីជាយ៉ាងណាក៏ដោយ ពួកគាត់នៅតែបង្ហាញនូវក្តីរំភើបរបស់ខ្លួន ចំពោះការមានកូនលើកដំបូង។
របាយការណ៍ស្ទង់មតិលើកឡើងថា៖ «ពេលក្លាយជាឪពុកម្តាយ វាជាពេលវេលាដ៏រំភើបមួយ ដោយអ្នកទទួលបានបទពិសោធន៍ និងការប្រឈមថ្មី ប៉ុន្តែអ្នកត្រូវមានការបារម្ភគ្រប់ពេលចំពោះកូន ទាក់ទងនឹងចំណីអាហារ និងការទប់ស្កាត់ជំងឺផ្សេងៗ។ រាល់ការសម្រេចអ្វីមួយសុទ្ធតែឆ្លងកាត់ការស្រាវជ្រាវ និងគិតគូរយ៉ាងដិតដល់បំផុត»។
ទៅធ្វើការ ឬមើលកូន? ឪពុកម្តាយថ្មីថ្មោង៤២ភាគរយ អះអាងថា ពួកគាត់ពិតមានក្តីរំភើបការប្រឡូកក្នុងការងារមើលកូនដ៏សែនស្មុគ្រស្មាញ ពីព្រោះវាក្តីស្រឡាញ់ដែលគ្មានលក្ខខណ្ឌអ្វីទាំងអស់។ អ្នកខ្លះទៀត ឆ្លើយថា ពិតជាពេញចិត្តមើលកូន ប៉ុន្តែមិនគេចផុតពីភាពរអ៊ូរទាំងនោះឡើយ៕
Tag:
ថែទាំងកូន
© រក្សាសិទ្ធិដោយ thmeythmey.com
