ព្រែកកំពង់បាយ ជាទីតាំងនៃការប្រារព្ធពិធីបុណ្យអុំទូកនៅខេត្តកំពតនៅថ្ងៃសុក្រ

ជាតិ

បុណ្យអុំទូក

ព្រែកកំពង់បាយ ជាទីតាំងនៃការប្រារព្ធពិធីបុណ្យអុំទូកនៅខេត្តកំពតនៅថ្ងៃសុក្រ

13, Nov 2018 , 10:54 am

រូបភាព

លោក ជាវ តាយ អភិបាលខេត្តកំពត

ដោយ:

រដ្ឋបាលខេត្តកំពត ត្រៀមរៀបចំពិធីបុណ្យអុំទូកនៅមាត់ព្រែកកំពង់បាយ ក្នុងខេត្តកំពត។ ការប្រណាំងទូកនៅលើផ្ទៃទឹកសមុទ្រ ដែលមានភាពខុសប្លែកពីខេត្តផ្សេងៗ ដែលធ្លាប់តែមានការប្រណាំងទូកនៅលើផ្ទៃទឹកទន្លេ ជាគំនិតផ្តួចផ្តើមរបស់ថ្នាក់ដឹកនាំខេត្តកំពត។

កម្មវិធីបុណ្យអុំទូកនេះផងដែរ ក៏មានកម្មវិធីកំសាន្តផ្សេងៗទៀត ដូចជា ការសម្តែងសិល្បៈ ល្បែងប្រជាប្រិយ ការតាំងពិពណ៌ពាណិជ្ជកម្មភូមិមួយផលិតផលមួយ បណ្តែតប្រទីប ដាល់អំបុក បង្ហោះគោម បាញ់កាំជ្រួច និងមានកម្មវិធីកំសាន្តជាច្រើនទៀត។ នេះបើយោងតាមសេចក្តីជូនដំណឹងរបស់រដ្ឋបាលខេត្តកំពត នៅថ្ងៃទី២ ខែវិច្ឆិកា ឆ្នាំ២០១៨កន្លងទៅនេះ។

ជាមួយគ្នានេះដែរ រដ្ឋបាលខេត្ត ក៏បានអំពាវនាវដល់សាធារណជនទាំងអស់មេត្តាចូលរួមបរិច្ចាគថវិកា និងចុះឈ្មោះចូលរួមការប្រណាំងទូក ដើម្បីចូលរួមចំណែកឲ្យដំណើរការនៃព្រឹត្តិការណ៍នេះ ប្រព្រឹត្តទៅប្រកបដោយជោគជ័យនិងទទួលបានការចូលរួមពីសំណាកភ្ញៀវទេសចរជាតិ-អន្តរជាតិ ដែលមកកម្សាន្តក្នុងទឹកដីខេត្តកំពតនេះ។ កម្មវិធី នឹងប្រព្រឹត្តទៅ នាថ្ងៃទី១៦ ខែវិច្ឆិកា ឆ្នាំ២០១៨។

គួររម្លឹកថា ខេត្តកំពត ក៏ធ្លាប់មានការប្រារព្ធពិធីបុណ្យអុំទូកនេះ កាលពីឆ្នាំ២០១៣ រហូតមកដល់ឆ្នាំ២០១៨ និងមានការចាប់ផ្តើមពិធីបុណ្យអុំទូកសារជាថ្មីម្តងទៀតនេះជាផ្នែកមួយនៃការលើកកម្ពស់វិស័យទេសចរណ៍នៅក្នុងខេត្ត ក៏ដូចជាបង្ហាញឲ្យភ្ញៀវទេសចរអន្តរជាតិ ដែលមកកម្សាន្តក្នុងខេត្តកំពត បានស្គាល់អំពីវប្បធម៌ប្រពៃណីរបស់ប្រទេសយើងផងដែរ៕