ADB និង​ក្រសួង​ធនធានទឹក នឹង​អនុវត្ត​គម្រោង​តម្លៃ ១៣៥​លាន កែលម្អ​ធារាសាស្ត្រ​ក្នុង​ខេត្ត​៥
ជាតិ
ADB និង​ក្រសួង​ធនធានទឹក នឹង​អនុវត្ត​គម្រោង​តម្លៃ ១៣៥​លាន កែលម្អ​ធារាសាស្ត្រ​ក្នុង​ខេត្ត​៥
14, Nov 2018 , 10:19 pm        
រូបភាព
រូបពីក្រសួងធនធានទឹក និងឧតុនិយម
រូបពីក្រសួងធនធានទឹក និងឧតុនិយម
​ភ្នំពេញ​៖ ក្រសួង​ធនធានទឹក និង​ឧតុនិយម និង​ធនាគារអភិវឌ្ឍន៍អាស៊ី (ADB) នឹង​អនុវត្ត​រួមគ្នា​លើ​គម្រោង​កែលំអ​ប្រព័ន្ធធារាសាស្ត្រ ក្នុង​ខេត្ត​ចំនួន​៥ ។ នេះ​បើតាម​ប្រកាស​ព័ត៌មាន​របស់​ក្រសួង​។​


 
​គម្រោង​កែលម្អ​ប្រព័ន្ធធារាសាស្ត្រ​នេះ ត្រូវបាន​ប្រកាសឡើង ក្នុងឱកាស​ដែល​លោក លឹម គានហោ រដ្ឋមន្ត្រីក្រសួង​ធនធានទឹក និង​ឧតុនិយម ជួបពិភាក្សា​ការងារ​ជាមួយ​គណៈប្រតិភូ​របស់ ADB  នៅ​ថ្ងៃទី​១៤​ខែវិច្ឆិកា​។​
 
​នេះ​ជា​គម្រោង​លើកកម្ពស់​ប្រព័ន្ធធារាសាស្ត្រ​សម្រាប់​វិស័យ​កសិកម្ម (Irrigated Agriculture Improvement Project, IAIP) ដែល​ត្រូវអនុវត្ត​ក្នុង​ខេត្ត​ចំនួន​៥ រួមមាន ខេត្តបាត់ដំបង កំពង់ចាម តាកែវ កំពង់ធំ និង​ខេត្តកំពត​។ ក្រសួង​អះអាងថា គម្រោង​នេះ​នឹងធ្វើ​ការជួសជុល​ស្ដារឡើងវិញ និង​កែលម្អ​ប្រព័ន្ធធារាសាស្ត្រ​ក្នុង​ខេត្ត​ចំនួន​៥ ឲ្យ​ទៅជា​ប្រព័ន្ធធារាសាស្ត្រ​មាន​លក្ខណៈ​គ្រប់​ជ្រុងជ្រោយ ដែល​ប្រើប្រាស់​បាន​សម្រាប់​ស្រោច​ស្រ​ព្វ​បាន​ទាំង​រដូវប្រាំង និង​រដូវវស្សា​។ ក្រសួង​បន្ថែម ថា គម្រោង​នេះ​នឹងត្រូវ​ចំណាយ​ថវិកា ១៣៥​លាន​ដុល្លារ​អាមេរិក​៕ 
 

Tag:
 ADB
  ធារាសាស្ត្រ​
© រក្សាសិទ្ធិដោយ thmeythmey.com