ONE Championship
កីឡាជាតិ
ជាតិ
សុខ ធី ចាញ់កីឡាករថៃ Lerdsila ដោយពិន្ទុក្នុងព្រឹត្តិការណ៍ ONE: Warrior’s Dream នៅឥណ្ឌូណេស៊ី
× កីឡាករ សុខ ធី បានចាញ់កីឡាករថៃ Lerdsila ដោយពិន្ទុក្នុងព្រឹត្តិការណ៍ ONE: Warrior’s Dream នៅកីឡដ្ឋាន Istora ក្រុងហ្សាការតា ប្រទេសឥណ្ឌូណេស៊ី នាល្ងាចថ្ងៃសៅរ៍ ទី១៧ ខែវិច្ឆិកា ឆ្នាំ២០១៨។
សុខ ធី និង Lerdsila បានប្រកួតក្នុងកម្មវិធី One Super Series រវាងមួយថៃ និងគុនខ្មែរ។ ការប្រកួតដំណើរការបាន៣ទឹកពេញ ដោយកីឡាករថៃ Lerdsila ឈ្នះដោយពិន្ទុ។
សម្រាប់កំណត់ត្រាមុនការប្រកួត កីឡាករគុនខ្មែរ សុខ ធី ដែលទើបតែមានអាយុ២១ឆ្នាំ ធ្លាប់ឆ្លងកាត់ការប្រកួតជាង២០០ដង ដោយឈ្នះ២២១ដង ចាញ់៣៦ដង និងស្មើ១២ដង។
Lerdsila នៃក្លិប Phuket Top Team មានអាយុ៣៧ឆ្នាំ ដោយធ្លាប់ឆ្លងកាត់ការប្រកួតមួយថៃ ជាង២០០ដងផងដែរ ដោយឈ្នះ១៨៦លើក ចាញ់៣១លើក និងស្មើ៥លើក។
កាលពីព្រឹត្តិការណ៍ HEART OF THE LION នៅសង្វៀន Singapore Indoor Stadium ប្រទេសសិង្ហបុរី កាលពីថ្ងៃទី៩ ខែវិច្ឆិកា កីឡាករកម្ពុជា មាស ម៉ើ បានសន្លប់ក្រោមកម្លាំងជើងរបស់កីឡាករឥណ្ឌូណេស៊ី-ហូឡង់ Anthony Engelen ក្រោយការប្រកួតទឹកទីមួយ ដំណើរការបានត្រឹម៣៩វិនាទីប៉ុណ្ណោះ៕
© រក្សាសិទ្ធិដោយ thmeythmey.com