រដ្ឋមន្ត្រីការពារជាតិ៖ ថ្ងៃមុខ កម្ពុជា នឹងមានលទ្ធភាពទិញឧទ្ធម្ភាគចក្រទំនើបពីរុស្ស៊ី

ជាតិ

សង្គមជាតិ

រដ្ឋមន្ត្រីការពារជាតិ៖ ថ្ងៃមុខ កម្ពុជា នឹងមានលទ្ធភាពទិញឧទ្ធម្ភាគចក្រទំនើបពីរុស្ស៊ី

20, Nov 2018 , 9:39 pm

រូបភាព

ដោយ: ថ្មីៗ

ក្រោយពីបានទស្សនាឧទ្ធម្ភាគចក្រដ៏ទំនើបពីរគ្រឿងរបស់រុស្ស៊ី ដែលហោះហើរបង្អួតពីសមត្ថភាពនៅព្រលានពោធិ៍ចិនតុង នាព្រឹកថ្ងៃទី២០ ខែវិច្ឆិកានេះ សម្តេច ទៀ បាញ់ រដ្ឋមន្ត្រីក្រសួងការពារជាតិ បានសម្តែងការពេញចិត្តយ៉ាងខ្លាំង។

សម្តេច ទៀ បាញ់ បានកោតសរសើរពីគុណភាពនៃឧទ្ធម្ភាគចក្រប្រភេទថ្មីទាំងពីរនេះ ថាមានភាពរឹងមាំង មានល្បឿនលឿន មានសុវត្ថិភាពខ្ពស់ និងអាចធានាពីសីតុណ្ភភាព។ រដ្ឋមន្ត្រីក្រសួងការពារជាតិ បានប្រាប់អ្នកកាសែតថា នាពេលអនាគត កម្ពុជា អាចនឹងមានឧទ្ធម្ភាគចក្រទាំងនេះ យកមកប្រើប្រាស់ជាក់ជាមិនខាន។

«សម្តេច រដ្ឋាភិបាលយើង ក៏ដូចជាវិស័យឯកជន គ្រោងទិញឧទ្ធម្ភាគចក្រប្រភេទនេះដែរឬទេ ?»។ អ្នកកាសែតម្នាក់ បានសួរបែបនេះ បន្ទាប់មក រដ្ឋមន្ត្រីការពារជាតិ បានឆ្លើយយ៉ាងដូច្នេះថា៖«ខ្ញុំចាប់អារម្មណ៍តែមួយទេ គឺគុណភាពល្អ។ ខ្ញុំ សូមសំណូមពរឲ្យក្រុមហ៊ុនឯកជនទិញ បើមានលទ្ធភាព។ ចំណែក រដ្ឋាភិបាលយើងវិញ គឺចាប់អារម្មណ៍តាំងយូរណាស់មកហើយ។ យើង អាចនឹងមានលទ្ធភាពនៅថ្ងៃក្រោយ ហើយយើង នឹងគិតគូរនិងខិតខំតាមរូបភាពណាក៏ដោយ»។