ជាតិ
បុណ្យអុំទូក
បុណ្យអុំទូក៖ ព្រះសង្ឃ មិនអនុញ្ញាតឲ្យនិមន្តចូលតំបន់ដែលមានបរិស័ទកកកុញ
× សាលាគណរាជធានីភ្នំពេញ មិនអនុញ្ញាតឲ្យព្រះសង្ឃ និមន្តចូលទៅតំបន់មួយចំនួន នាពេលប្រារព្ធព្រះរាជពិធីបុណ្យអុំទូកនេះឡើយ។ ការហាមដូច្នេះ គឺដើម្បីលើកកិត្តិយស សេចក្តីថ្លៃថ្នូរព្រះពុទ្ធសាសនា តម្លៃព្រះសង្ឃ។
សេចក្តីណែនាំរបស់សាលាគណៈរាជធានីភ្នំពេញ កាលពីថ្ងៃទី១៩ វិច្ឆិកា បានបញ្ជាក់ដូច្នេះថា៖«កន្លងមកមានព្រះសង្ឃអង្គខ្លះ បាននិមន្តចូលក្នុងកន្លែងប្រារព្ធពិធីបុណ្យអុំទូក និងកន្លែងកម្សាន្តផ្សេងៗ នៅក្នុងហ្វូងមនុស្សកកកុញ។ សកម្មភាពនេះ បានធ្វើឲ្យប៉ះពាល់ដល់គុណតម្លៃព្រះពុទ្ធសាសនា ព្រមទាំងធ្វើឲ្យពុទ្ធបរិស័ទ មិនសប្បាយចិត្តថែមទៀត»។
បើតាមសេចក្តីណែនាំដដែល តំបន់ហាមឃាត់មិនឲ្យព្រះសង្ឃនិមន្តចូលរួម មានដូចជាតំបន់ A,A1,A12 ពីវិមានឯករាជ្យ រហូតដល់គល់ស្ពានជ្រោយចង្វារខាងជើង (វត្តភ្នំ,មុខវាំង,សួនច្បារវត្តបទុមវតី,ណាហ្គាវើល,កោះពេជ្រ,ផ្សារចាស់,ផ្សារកណ្តាល)៕
Tag:
សាសនា
ព្រះសង្ឃ
អុំទូក
បុណ្យអុំទូក
© រក្សាសិទ្ធិដោយ thmeythmey.com