​ក្លិប​បិសាច​ក្រហម ត្រូវបាន​សហព័ន្ធ​កីឡាបាល់ទាត់​អឺរ៉ុប​ពិន័យ​ជា​ប្រាក់ ១៣២០៣ ផោន (១៧០០០​ដុល្លារ​) ដោយសារ​ចាប់ផ្តើម​ការប្រកួត​ខក​ពេល អំឡុង​ប៉ះ​ក្រុម​ភ្ញៀវ Valencia នៅ​កីឡដ្ឋាន Old Trafford កាលពី​ខែតុលា​កន្លងទៅ ក្នុងការ​ប្រកួត​វគ្គ​សន្សំ​ពិន្ទុ​ពូ​ល H​។​
 

Man Utd នៅតែ​បន្ត​ការយឺតយ៉ាវ​ដដែល​ក្នុងនាម​ជា​ម្ចាស់ផ្ទះ​ក្នុងជំនួប​ជាមួយ Juventus ខណៈដែល​លោក Mourinho បាន​ដើរ​ពី​សណ្ឋាគារ​ដែល​លោក​ស្នាក់នៅ​ទៅកាន់​កីឡដ្ឋាន​។​

«​ព័ត៌មាន​គឺ​វា​ល្អ​ជាង​កាលពីមុន​។ យើង​កំពុងស្នាក់នៅ​ក្នុង​សណ្ឋាគារ​ចម្ងាយ​តែ​ប៉ុន្មាន​ម៉ែត្រ​ប៉ុណ្ណោះ ប្រសិនបើ​វា​យ៉ាង​មិច​យ៉ាង​ម៉ា​នោះ​ខ្ញុំ​នឹង​ដើរទៅ Old Trafford តែម្តង​»​។ អ្នកចាត់ការ​សញ្ជាតិ​ព័រ​ទុយ​ហ្គា​ល់​លើកឡើង​ដូច្នេះ​។​
 

Man Utd ស្ថិតក្នុង​ពូ​ល H ជាមួយ Juventus, Valencia និង Young Boys​។ ក្រុម​ពី​អង់គ្លេស​នេះ កំពុង​ឈរ​នៅ​ចំណាត់ថ្នាក់​ទី​២​ក្នុង​តារាង​ក្រោយ​ប្រកួត​៤​លើក​មាន​៧​ពិន្ទុ តាម​ពីក្រោយ​ម្ចាស់​ជើងឯក​អ៊ីតាលី Serie A ចំនួន​២​ពិន្ទុ និង​នាំមុខ​ក្រុម​ពី​អេ​ស្ប៉ា​ញ ២​ពិន្ទុ ខណៈ ក្រុម​ពី​ស្វី​ស Young Boys មានតែ​១​ពិន្ទុ​ប៉ុណ្ណោះ​និង​ជា​ក្រុម​មាន​ភាគរយ​តិច​បំផុត​ដើម្បី​ទៅ​វគ្គ​បន្ត​។​

​ក្រុម​របស់លោក Mourinho ត្រូវការ​ឈ្នះ​តែមួយ​ប្រកួត​នេះ​ទៀត​ប៉ុណ្ណោះ​នឹង​អាច​ឡើងទៅ​វគ្គ​១៦​ក្រុម​ចុងក្រោយ​ដោយ​ស្វ័យប្រវត្តិ​ប្រសិនបើ Juventus អាច​យកជ័យ​ជម្នះ​លើ Valecia ក្នុងជំនួប​នៅ​រាត្រី​នេះដែរ​នោះ​។​
 

​ការប្រកួត​គូ​ដទៃ​សម្រាប់​ពានរង្វាន់ Champions League នៅ​រាត្រី​ថ្ងៃទី ២៧ ខែវិច្ឆិកា ឆ្នាំ​២០១៨ នេះ​៖

- Group E 

AEK Athens Vs Ajax

FC Bayern München Vs Benfica

 

- Group F 

Hoffenheim Vs Shakhtar Donetsk

Lyon Vs Manchester City

 

- Group G 

CSKA Moscow Vs Viktoria Plzen

Roma Vs Real Madrid

 

- Group H 

Juventus Vs Valencia

​