UCL៖ Man Utd និង Juventus រួមទាំង៥ក្រុមទៀត កក់កៅអីទៅវគ្គ១៦ក្រុម

កីឡាអន្តរជាតិ

អន្តរជាតិ

UCL៖ Man Utd និង Juventus រួមទាំង៥ក្រុមទៀត កក់កៅអីទៅវគ្គ១៦ក្រុម

28, Nov 2018 , 11:41 am

រូបភាព

ដោយ: ទេព ពិទូរ្យ

Manchester United, Juventus និងក្រុមការពារតំណែងជើងឯង Real Madrid ស្ថិតក្នុងចំណោមក្រុមទាំង៧ ដែលមានពិន្ទុគ្រប់គ្រាន់ដើម្បីឈានទៅវគ្គ ១៦ ក្រុមចុងក្រោយនៃពានរង្វាន់ UEFA Champions League ដោយស្វ័យប្រវត្តិ បន្ទាប់ពីឆ្លងកាត់ការប្រកួតរៀងៗខ្លួននៅរាត្រីថ្ងៃទី២៧ ខែវិច្ឆិកា។

ក្រុមបិសាចក្រហម Man Utd បានយកឈ្នះលើក្រុមភ្ញៀវ Young Boys ក្នុងលទ្ធផល ១-០ ទាំងប្រផិតប្រផើយនៅនាទី៩០+ ទៅហើយដែលធ្វើបានដោយខ្សែបម្រើ Marouane Fellaini។ គ្រាប់បាល់ជ័យជម្នះរបស់កីឡាករសញ្ជាតិបែលហ្ស៊ិកនេះបាននាំឲ្យក្រុមដែលដឹកនាំដោយអ្នកចាត់ការទូទៅ Jose Mourinho ទទួលបាន១០ពិន្ទុ នាំមុខក្រុមលេខ៣ Valencia ដែលមាន៥ពិន្ទុក្រោយឆ្លងកាត់ការប្រកួត៥លើក ក្នុងវគ្គសន្សំពិន្ទុពូល H។ ក្នុងពូល H នេះ Juventus រកបានដល់ទៅ១២ពិន្ទុស្ថិតនៅកំពូលតារាងក្រោយយកឈ្នះ Valencia ១-០។ ដូច្នេះ ក្រុមរហស្សនាមសេះបង្កង់ពីអ៊ីតាលី និង Man Utd ពីអង់គ្លេស បានសិទ្ធិទៅវគ្គបន្តទោះសល់មួយប្រកួតទៀត ខណៈក្រុមពីអេស្ប៉ាញ Valencia បានកៅអីលេងនៅ Europa league បន្តទៀត ព្រោះ Young Boys មានតែ១ពិន្ទុប៉ុណ្ណោះ។

សម្រាប់ Real Madrid និង AS Roma ក៏បានចាប់ដៃគ្នាឈានទៅវគ្គ១/៨ផ្តាច់ព្រ័ត្រដូចគ្នាដែរ បន្ទាប់ពីមានពិន្ទុនាំមុខដាច់គេក្នុង ពូល G។ Roma បើទោះជាចាញ់ក្រុមម្ចាស់ជើងឯកចាស់ Real ២-០ ក៏ដោយតែពួកគេនៅមានពិន្ទុគ្រប់គ្រាន់ចំនួន៩ពិន្ទុ លើសក្រុមលេខ៣ Viktoria Plzen ដល់ទៅ ៥ពិន្ទុ ស្របពេលការប្រកួតនៅសល់១លើកទៀតប៉ុណ្ណោះ។

ពូល F រកឃើញមួយក្រុមហើយដែលអាចឈានទៅវគ្គបន្តគឺ Manchester City។ បន្ទាប់ពីប្រកួតស្មើជាមួយ Lyon ២-២ កាលពីយប់មិញ ក្រុមរហស្សនាមមេឃខៀវដែលដឹកនាំដោយលោក Pep Gardiola ទទួលបាន១០ពិន្ទុដាច់គេក្នុងពូលដោយនាំមុនក្រុមលេខ៣ Shakhtar Donetsk ៥ពិន្ទុ ក្រោយឆ្លងកាត់៥ប្រកួតរួចមក។ ក្នុងពូលនេះ ក្រុមពីបារាំង Lyon ត្រូវប្រជែង Shakhtar ដើម្បីបានកៅអីទៅវគ្គបន្ត ហើយក្រុមបាតតារាង Hoffenheim ក៏មានឱកាសយកកៅអី Europa League ផងដែរសម្រាប់ការប្រកួតកាត់សេចក្តីចុងក្រោយ។

ដោយឡែកពីរក្រុមទៀតដែលឈានទៅវគ្គខ្វែងរួមមាន Bayern Munich និង Ajax ដែលមានពិន្ទុខ្ពស់ជាងគេនៅពូល E។ ក្រុមខ្លាំងពីអាល្លឺម៉ង បានលត់ក្រុមភ្ញៀវ Benfica ដល់ទៅ ៥-១ ក្នុងការប្រកួតលើកទី៥ ដែលធ្វើឲ្យពួកគេឈរនៅកំពូលតារាងមាន១៣ពិន្ទុ។ ចំណែក Ajax ក្រុមមកពីហូឡង់បានយកឈ្នះក្រុមបាតតារាង AEK Athens ក្នុងលទ្ធផល ២-០ ហើយជ័យជម្នះនេះបាននាំពួកគេឈរនៅលេខរៀងទី២មាន១១ពិន្ទុ នាំមុខដាច់ពិន្ទុក្រុមលេខ៣ Benfica ដែលមាន៤ពិន្ទុ។ ក្រុមពីព័រទុយហ្គាល់ Benfica បានកៅអីលេងនៅពានលំដាប់ទីពីរអឺរ៉ុបបន្តទៀត ខណៈក្រុមពីក្រិក AEK Athens គ្មានពិន្ទុរាប់ក្នុងពូលនេះ។

ដូច្នេះការប្រកួតវគ្គជម្រុះតាមពូលនៃពានកំពូលអឺរ៉ុបនេះរកឃើញ៧ក្រុមរួចហើយ ដោយរង់ចាំ៩ក្រុមទៀតដើម្បីទៅប្រជែងគ្នានៅវគ្គ១៦ក្រុមចុងក្រោយ។

លទ្ធផលការប្រកួតគូផ្សេងៗ៖

- Group E

AEK Athens ២-០ Ajax

FC Bayern München ៥-១ Benfica

- Group F

Hoffenheim ២-៣ Shakhtar Donetsk

Lyon ២-២ Manchester City

- Group G

CSKA Moscow ១-២ Viktoria Plzen

Roma ០-២ Real Madrid

- Group H