ជាតិ
សង្គមជាតិ
ពេលចាកចេញពីកម្ពុជា, លោក Heidt សង្ឃឹមថា ប្រជាជនកម្ពុជាគ្រប់ជំនាន់ ចេះការពារបរិស្ថាន វប្បធម៌ និងប្រវត្តិសាស្ត្រ
×![]()
ដោយ: ថ្មីៗ
លោក William Heidt បានចេញមកនិយាយភាសាខ្មែរ ដើម្បីជម្រាបលាប្រជាពលរដ្ឋកម្ពុជា បន្ទាប់ពីលោក ចប់អាណត្តិជាឯកអគ្គរដ្ឋទូតអាមេរិកប្រចាំកម្ពុជា។ ការជម្រាបលារបស់លោក គឺធ្វើឡើងតាមរយៈវីដេអូឃ្លីបខ្លីមួយរយៈពេល២នាទីនិង៣០វិនាទី ដែលត្រូវបានបង្ហោះលើទំព័រហហ្វេសប៊ុករបស់ស្ថានទូអាមេរិក នៅពីថ្ងៃទី២៨ ខែវិច្ឆិកា ឆ្នាំ២០១៨។ 
ស្ថានទូតអាមេរិក បានបង្ហោះវីដេអូឃ្លីប ដោយអមជាមួយសារ ដែលបញ្ជាក់ថា លោក Heidt បានចាកចេញពីកម្ពុជានៅថ្ងៃនេះ (ថ្ងៃទី២៨ ខែវិច្ឆិកា ឆ្នាំ២០១៨)។ តាមរយៈវីដេអូឃ្លីប លោក Heidt ដែលមានភរិយាជាជនជាតិខ្មែរ បានសម្តែងការសោកស្តាយ ដែលលោកត្រូវបញ្ចប់បេសកកម្មនៅកម្ពុជា។
យ៉ាងណាក៏ដោយ លោក Heidt បានបង្ហាញអារម្មណ៍ថា លោក មានសេចក្តីសប្បាយរីករាយយ៉ាងខ្លាំង ដែលបានមកធ្វើជាឯកអគ្គរដ្ឋទូតរយៈពេល៣ឆ្នាំមកនេះ។ លោក ប្រាប់ថា លោក ពិតជាពេញចិត្តក្នុងការរៀនភាសា វប្បធម៌ និងចម្រៀងខ្មែរ។
លោក Heidt អះអាងថា ក្នុងអាណត្តិរបស់លោក ទំនាក់ទំនងរវាងប្រជាពលរដ្ឋនិងរដ្ឋាភិបាលកម្ពុជា-អាមេរិក មានភាពល្អប្រសើរ។ តែលោក លើកឡើងថា លោក ក៏បានជួបការលំបាកខ្លះៗដែរ។ លោក Heidt និយាយយ៉ាងដូច្នេះថា៖«សេចក្តីសង្ឃឹមរបស់ខ្ញុំ គឺប្រជាជនកម្ពុជា គ្រប់ជំនាន់ចេះការពារបរិស្ថាន វប្បធម៌ និងប្រវត្តិសាស្ត្រកម្ពុជា ហើយសហការគ្នា ដើម្បីកសាងប្រជាធិបតេយ្យនិងសេដ្ឋកិច្ច ឲ្យកាន់តែរឹងមាំ។ លាហើយកម្ពុជា។ ខ្ញុំសង្ឃឹមថា យើងនឹងអាចជួបគ្នាម្តងទៀតនៅពេលក្រោយ»។
លោក Heidt បានមកកាន់តំណែងជាឯកអគ្គរដ្ឋទូតអាមេរិកប្រចាំកម្ពុជា កាលពីអំឡុងខែកញ្ញា ឆ្នាំ២០១៥។ លោក Patrick Murphy ដែលជាឧបការីរងរដ្ឋមន្ត្រីការបរទេសទទួលបន្ទុកកិច្ចការងារអាស៊ីបូព៌ា និងប៉ាស៊ីហ្វិក នឹងមកកាន់តំណែងជាឯកអគ្គរដ្ឋទូតប្រចាំកម្ពុជា ជំនួសលោក Heidt៕
Tag:
William Heidt
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
