ជាតិ
សិល្បះ
ស្ថានភាពជំងឺអ្នកគ្រូ គង់ ណារី ស្ថិតក្នុងសភាពធ្ងន់ធ្ងរ រូបពី គ្រួសារតារាកម្ពុជា។
× ភ្នំពេញ៖ ស្ថានភាពជំងឺរបស់សិល្បករពហុជំនាញ អ្នកគ្រូ គង់ ណារី ពេលនេះ កំពុងស្ថិតនៅក្នុងសភាពធ្ងន់ធ្ងរ។ នេះបើតាមលោក គង់ សុវណ្ណារ៉េត ត្រូវជាក្មួយបង្កើតរបស់អ្នកគ្រូ គង់ ណារី។
ជំងឺដែលធ្វើឱ្យសុខភាពរបស់អ្នកគ្រូ គង់ ណារី មិនអាចទ្រាំទ្របាននោះគឺ ជំងឺមហារីកថ្លើមដំណាក់កាលចុងក្រោយ និងជំងឺច្រើនមុខទៀត។ ជំងឺនេះកើតមានតាំងពីជាង១០ឆ្នាំមុនម្ល៉េះ តែដោយសាររវល់នឹងការងារ ទើបអ្នកគ្រូ ណារី ចេះតែមិនបានយកចិត្តទុកដាក់ខ្លាំងនឹងជំងឺរបស់ខ្លួន ដោយគ្រាន់តែទទួលទានថ្នាំខ្មែរខ្លះៗ។
លោក សុវណ្ណារ៉េត ដែលជាក្មួយអ្នកគ្រូ គង់ ណារី បានបញ្ជាក់ដូច្នេះថា៖«ពួកយើងទាំងអស់គ្នា មានឪពុកម្ដាយគាត់ហើយរួមទាំងគាត់ផង និងសាច់ញាតិដទៃទៀត បានត្រៀមចិត្តអស់ហើយ យើងមិនមានអ្វីសោកស្ដាយទៀតទេ។ គាត់(គង់ ណារី)ជាអ្នកធ្វើបុណ្យដែរ គាត់ថាគាត់បានធ្វើរឿងល្អៗច្រើន គាត់ទៅក៏មិនមានអ្វីសោកស្ដាយដែរ។ គាត់គ្រាន់តែចង់ឱ្យពេលដែលគាត់ផុតទៅ អាចរៀបចំកន្លែងសមរម្យមួយឱ្យគាត់តែប៉ុណ្ណោះ»។
អ្នកគ្រូ គង់ ណារី គឺជាសាស្ត្រាចារ្យអក្សរសាសន៍ខ្មែរ ជាអ្នកនិពន្ធ ជាពិធីករ និងជាគ្រូបង្រៀនរាំ ច្រៀង ព្រមទាំងជាគ្រូបង្រៀនពីការរៀបចំពាក្យសម្ដីប្រើក្នុងពិធីជាតិធំៗជាដើម តាំងពីទសវត្ស៨០មក៕
© រក្សាសិទ្ធិដោយ thmeythmey.com